अभिनेता सलमान खान याचे वडील सलीम खान ICU मध्ये दाखल,कशी आहे आता तब्येत?

हिंदी सिनेसृष्टीतील दिग्गज पटकथा लेखक सलीम खान यांची तब्येत खराब झाल्याने त्यांना रुग्णालयात दाखल करण्यात आले आहे. आज सकाळी साडे आठ वाजताच्या सुमारास त्यांना लिलावती रुग्णालात भरती करण्यात आले आहे, त्यांना इमर्जन्सीत आणण्यात आले. त्यांच्यावर तेथेच उपचार सुरु करण्यात आले नंतर त्यांना तिसऱ्या मजल्यावरील आयसीयूत दाखल केले आहे.

रुग्णालयाने दिलेल्या माहितीनुसार सलीम खान यांची तब्येत सध्या स्थिर आहे. त्यांना २४ तास डॉक्टरांच्या निरीक्षणाखाली ठेवण्यात आले आहे. सलीम खान यांच्यावर लिलावतीचे प्रसिद्ध डॉक्टर जलील पारकर यांच्या नेतृत्वाखाली उपचार सुरु आहेत. मेडिकल टीममध्ये न्यूरोलॉजिस्ट डॉ.नितीन डांगे आणि डॉ.बिनीत आहलुवालिया यांचा देखील समावेश आहे. कुटुंबियांच्या विनंतवरुन सध्या जास्त माहिती देण्यास मनाई करण्यात आली आहे. मात्र, उद्या सकाळी ११ वाजता कुटुंबियांच्या संमतीने अधिकृत मेडिकल बुलेटीन जारी केले जाऊ शकते.

सध्या सलमान खान याचे वडील सलीम खान यांची तब्येत स्थिर असून डॉक्टर त्यांच्या प्रकृतीवर नजर ठेवून असून सकाळी कुटुंबियांच्या परवानगीने त्यांच्या तब्येती संदर्भात मेडिकल बुलेटीन जारी होऊ शकते. सलीम खान ९० वर्षांचे असून त्यांना सकाळी हॉस्पिटलमध्ये दाखल करण्यात आले. बातमी मिळताच त्यांचा मुलगा सुपरस्टार सलमान खान, मुलगी अलवीरा अग्निहोत्री आणि कुटुंबातील बाकी सदस्य त्यांना भेटण्यासाठी लिलावती रुग्णालयात दाखल झाले. सर्वांच्या चेहऱ्यावर चिंता दिसत होती. चाहत्याकडून सलीम खान यांची तब्येत नीट व्हावी यासाठी प्रार्थना केली जात आहे.

सलीम आणि जावेद यांच्या जोडीचा इतिहास

मध्य प्रदेशातील इंदूर येथे साल १९३५ मध्ये जन्मलेल्या सलीम यांनी १९६४ मध्ये सुशीला चरक यांच्याशी विवाह केला होता. लग्नानंतर त्यांचे नाव सलमा असे बदलले. त्यानंतर त्यांनी कॅबरे क्वीन हेलन हिच्याशी दुसरे लग्न केले. सलमा यांच्याकडून सलीम यांना चार मुले आहेत. सलमान, अरबाझ, सोहेल आणि अलवीरा अग्निहोत्री अशी ही मुले होत. सलमी खान यांना हेलन सोबत अर्पिता हिला दत्तक घेतले होते. सलीम आणि जावेद अख्तर यांच्या जोडीने शोलेपासून ते अनेक चित्रपटांना अमाप यश मिळवून दिले. नंतर मात्र ही जोडी तुटली.