नागपुर: साकारणार नवा निसर्ग पर्यटन प्रकल्प; चंद्रशेखर बावनकुळे यांच्या पाठपुराव्याला मोठे यश!

नागपूर: जिल्ह्यात पर्यावरणपूरक पर्यटनाला चालना देण्यासाठी राज्य सरकारने एक महत्त्वपूर्ण निर्णय घेतला आहे. निसर्ग पर्यटन विकासासाठी ४८.४० हेक्टर शासकीय जमीन वनविभागाकडे हस्तांतरित करण्यास शासनाने मंजुरी दिली आहे. या निर्णयामुळे पालकमंत्री चंद्रशेखर बावनकुळे यांच्या सातत्यपूर्ण पाठपुराव्याला यश मिळाले असून, यामुळे जिल्ह्यातील पर्यटन विकासाला नवी गती मिळणार आहे. प्रकल्पाचा तपशील:शासनाच्या मंजुरीनुसार, नौजा बेल्लोरी (खु.) येथील

सर्व्हे क्रमांक ८१ मधील ३०.४० हेक्टर क्षेत्र आणि चांपा येथील सर्व्हे क्रमांक ११६ मधील १८.०० हेक्टर असे एकूण ४८.४० हेक्टर जमिनीचे क्षेत्र या प्रकल्पासाठी समाविष्ट करण्यात आले आहे.
ही जमीन उपवनसंरक्षक, नागपूर वन विभाग यांच्या नावे भोगवटा मूल्यरहित आणि महसूलमुक्त स्वरूपात हस्तांतरित करण्यास मान्यता देण्यात आली आहे.

या प्रकल्पाचे फायदे: या निर्णयामुळे नागपूर जिल्ह्यातील पर्यटन विकासाला चालना मिळेल. या प्रकल्पाद्वारे पर्यावरण संवर्धन करणे शक्य होईल. स्थानिक स्तरावर रोजगारनिर्मिती होऊन ग्रामीण अर्थव्यवस्थेला बळकटी मिळेल, असा विश्वास चंद्रशेखर बावनकुळे यांनी व्यक्त केला आहे.