पुणे: सव्वा ३ वर्षांच्या राजवर्धिनीचा अनोखा विक्रम; वयाच्या १० व्या महिन्यापासून सुरू केला प्रवास, सर केले तब्बल ७५ गड-किल्ले!

पुणे: राजवर्धिनी नावाच्या एका चिमुकलीने अवघ्या साडेतीन वर्षांच्यावयात एक असा विक्रम नोंदवला आहे, जो ऐकून सर्वांनाच नवल वाटेल. तिने वयाच्या केवळ १० व्या महिन्यापासून गड-किल्ले सर करण्यास सुरुवात केली होती आणिआतापर्यंत तिने तब्बल ७५ गड-किल्ले पादाक्रांत केले आहेत. राजवर्धिनीची उल्लेखनीय कामगिरी: राजवर्धिनीने छत्रपती शिवाजी महाराजांचे जन्मस्थान असलेल्या शिवनेरी किल्ल्यावर स्वतःच्या पायांनी संपूर्ण प्रवास पूर्ण केला आहे.

तिने राजगड, लोहगड, विसापूर, पन्हाळा, प्रतापगड, सिंधुदुर्ग, विजयदुर्ग, सुवर्णदुर्ग आणि बहादूरगड यांसारख्या अनेक महत्त्वाच्या किल्ल्यांची यशस्वी चढाई केली आहे. विशेष म्हणजे, युनेस्कोने 'मराठा मिलिटरी लँडस्केप्स ऑफ इंडिया'
अंतर्गत ज्या १२ किल्ल्यांना जागतिक वारसा दर्जा दिला आहे, ते सर्व १२ किल्ले सर करणारी ती जगातील सर्वात कमी वयाची बाल ट्रेकर ठरली आहे.

पुरस्कार आणि सन्मान: राजवर्धिनीच्या या असामान्य कामगिरीची दखल 'इंडिया बुक ऑफ रेकॉर्ड्स'ने दोनदा घेतली असून, तिची नोंद भारतातील सर्वात कमी वयाची ट्रेकर म्हणून झाली आहे. ध्रुव प्रतिष्ठानतर्फे तिला 'बालशौर्य पुरस्कार २०२५' देऊन
सन्मानित करण्यात आले आहे. रायरेश्वर मंदिराच्या जीर्णोद्धारानंतरच्या कलशस्थापनेत तिला पहिल्या कलशपूजनाचा मान देखील मिळाला आहे.