Budget 2026 Income Tax : अर्थसंकल्पात आयकराबाबत मोठ्या घोषणा; मध्यमवर्गाला दिलासा की अपेक्षाभंग? 1 एप्रिलपासून काय बदलणार?

Budget 2026 Income Tax : अर्थमंत्री निर्मला सीतारामन यांनी आपल्या बजेट भाषणात मध्यमवर्गीय आणि सर्वसामान्यांचे लक्ष लागून असलेल्या इन्कम टॅक्सबाबत मोठ्या घोषणा केल्या आहेत. 1 एप्रिलपासून नवीन आयकर कायदा लागू होईल, अशी घोषणा अर्थमंत्री निर्मला सीताराम यांनी केली. अर्थमंत्री सीतारामन यांनी त्यांच्या अर्थसंकल्पीय भाषणातलवकरच अधिसूचित करण्याचे जाहीर केले असून यामुळे आयकर भरणे सोपे होईल. त्याचे फॉर्म सोपे केले जातील. अघोषित उत्पन्न 1 कोटी रुपयांपर्यंत मर्यादित ठेवण्याची तरतूद करण्यात आली आहे.

सर्वसामान्य करदात्यांसाठी अर्थमंत्र्यांची घोषणा
अर्थमंत्री निर्मला सीतारामन यांनी अर्थसंकल्पात आयकर कायद्याबाबत मोठी घोषणा केली आणि नवीन आयकर कायद्याअंतर्गत 1 एप्रिलपासून नवीन आयकर फॉर्म जारी करणार असल्याचे सांगितले. याशिवाय आता सुधारित आयकर रिटर्न भरण्यासाठी अधिक वेळ उपलब्ध मिळेल, तर आयकर रिटर्न नाममात्र शुल्कासह दाखल करता येतील. ऑडिट नसलेल्या व्यावसायिक संस्था आणि ट्रस्ट 31 ऑगस्टपर्यंत रिटर्न दाखल करू शकतील. अनिवासी भारतीयांकडून स्थावर मालमत्तेच्या विक्रीवरील टीडीएस रहिवासी खरेदीदाराकडून कापला जाईल, तर पूर्वी टीएएन आवश्यक होता.

Defence Budget 2026 : अर्थसंकल्पाचा ‘पॉवर डोस’! ऑपरेशन सिंदूरनंतर भारताचं मोठं पाऊल; ‘फ्युचर फोर्स’साठी ७.८४ लाख कोटींचा ॲक्शन प्लॅन

त्याचवेळी, आयटीआर 1 आणि आयटीआर 2 असलेल्या व्यक्ती आता 31 जुलैपर्यंत त्यांचे रिटर्न भरू शकतील, तर ऑडिट नसलेल्या व्यावसायिक संस्था आणि ट्रस्ट 31 ऑगस्टपर्यंत रिटर्न भरू शकतील. याशिवाय एनआरआयकडून स्थावर मालमत्तेच्या विक्रीवरील टीडीएस रहिवासी खरेदीदाराकडून कापला जाईल, तर पूर्वी टीएएन आवश्यक होता.

टीसीएस आणि विम्यासाठी अर्थमंत्र्यांची घोषणा
तसेच अर्थमंत्र्यांनी मोटार अपघात दावे न्यायाधिकरणांनी दिलेल्या निवाड्यांना प्राप्तिकरातून सूट देण्याचा सरकार प्रस्तावित केला. अर्थमंत्र्यांनी सांगितले की, निकाल काहीही असो पहिल्या अपीलीय अधिकाऱ्यासमोर अपील करण्याच्या कालावधीसाठी दंडाच्या रकमेवर कोणतेही व्याज आकारले जाणार नाही. परदेशी टूर पॅकेजेसच्या विक्रीवरील कर संकलन (TCS) दर अनुक्रमे मागील 5% आणि 20% वरून 2% पर्यंत कमी करण्यात आला आहे.