Uddhav Thackeray : निकष बाजूला ठेवा, लाडक्या बहिणींना तात्काळ २१०० रूपये द्या - ठाकरेंची मागणी

Uddhav Thackeray on Ladki Bahin Yojana : आवडती-नावडती बहीण असं करू नका, निकष बाजूला ठेवा. निकष न पाहाता लाडक्या बहि‍णींना तात्काळ २१०० रूपये द्या, अशी मागणी माजी मुख्यमंत्री उद्धव ठाकरे यांनी महायुती सरकारकडे केली आहे. ते नागपूरमध्ये बोलत होते. यावेळी ठाकरे यांनी महायुती सरकारवर हल्लाबोल केला. त्याशिवाय भरत गोगावले यांच्या मंत्रि‍पदावरून फिरकीही घेतली. हिवाळी अधिवेशनाच्या पार्श्वभूमिवर उद्धव ठाकरे आज नागपूरमध्ये आले आहेत. ईव्हीएमवरूनही ठाकरेंनी घणाघाती टीका केली.

लाडक्या बहीण योजनेचे पैसे देताना आवडती, नावडती करू नका. निकष न पाहता सरसकट २१०० रूपये जमा करा, अशी मागणी उद्धव ठाकरे यांनी महायुती सरकारकडे केली. नाराज सुधारले तर बघूयात. २०१९ चा अनुभव माझा गुरू आहे, असे म्हणत ठाकरेंनी बंडखोर नेत्यांबाबत मवाळ भूमिका घेतली. नाराजांना आता आमची भूमिका पटतेय, असा टोलाही यावेळी त्यांनी लगावला.

Real Estate : राज्यात तब्बल ११ हजार गृह प्रकल्प रखडले, सर्वाधिक मुंबई-पुण्यात, महारेराकडून थेट नोटीस

देवेंद्र फडणवीस यांच्यासमोर आमचे २० आमदार पुरेशे आहेत, असा टोला उद्धव ठाकरेंनी विरोधकांच्या संख्याबळावरून लगावला. विस्तार झाला मात्र अजून खातेवाटप झाले नाही. बिन खात्याच्या मंत्र्यांवर काय जबाबदारी आहे. गंमत म्हमून अधिवेशन असल्यास लोकशाहीची थट्टा आहे, असा आरोप उद्धव ठाकरेंनी केलाय.

घट्ट झालेले जॅकेट काहींच्या अंगावर चढलं, भरत गोगावले यांना मंत्रिपद मिळाल्यावरून उद्धव ठाकरेंनी बोचरी टीका केली. छगन भुजबळ यांच्याबाबत फार वाईट वाटतेय, असेही ठाकरे म्हणाले.