Maharashtra Politics : काँग्रेसला धक्का! लोकसभेची उमेदवारी नाकारल्याने माजी आमदाराचा पक्षाला रामराम

Maharashtra Politics : राजकीय वर्तुळात सध्या लोकसभेची रणधुमाळी सुरू आहे. एकीकडे लोकसभेची जोरदार मोर्चेबांधणी सुरू असताना राज्यातील काँग्रेसची गळती काही थांबत नसल्याचे चित्र दिसत आहे. गडचिरोलीमध्ये कॉंग्रेसला आणखी एक धक्का बसला असून माजी आमदार डॉ. नामदेव उसेंडी यांचा पक्ष पदाचा राजीनामा दिला आहे. गडचिरोली-चिमूर क्षेत्रातून उमेदवारी न मिळाल्याने नाराजी व्यक्त करत आपला राजीनामा दिला आहे.

याबाबत अधिक माहिती अशी की, गडचिरोलीतील काँग्रेसचे नेते महाराष्ट्र प्रदेश काँग्रेसचे महासचिव आणि आदिवासी काँग्रेस अध्यक्ष माजी आमदार डॉ. नामदेव उसेंडी यांनी आपल्या पदाचा राजीनामा दिलाय.. त्यामुळे काँग्रेस पक्षाला मोठा धक्का बसला आहे. लोकसभा निवडणुकीत तिकीट न दिल्याने ते नाराज आहेत..

Amravati Politics : अमरावतीत माविआचं जोरदार शक्तिप्रदर्शन; बळवंत वानखडेंच्या विजयासाठी थेट अंबादेवीला साकडं

डॉ. नामदेव उसेंडी हे 2008 पासून काँग्रेसमध्ये असून 2009 मध्ये ते आमदार म्हणून निवडून आले. त्यानंतर 2014 आणि 2019 मध्ये काँग्रेस तर्फे लोकसभा लढवली होती. मात्र त्यांना दोन्ही वेळा पराभव पत्करावा लागला. आताही ते इच्छुक होते, मात्र बाहेर जिल्ह्यातील गोंदिया जिल्हा काँग्रेस कमिटीचे उपाध्यक्ष डॉ. नामदेव किरसान यांना उमेदवारी दिल्याने त्यांनी पक्षाच्या पदाचा राजीनामा दिला आहे. तसेच पक्ष सोडण्याचेही त्यांनी संकेत दिले आहेत.

"२०१४च्या मोदी लाटेत कोणी इच्छुक नसतानाही मी लढलो. ३ लाख मते घेतली. त्यानंतर सतत ५ वर्ष या मतदारसंघात काम केले. त्यानंतर २०१९च्या लोकसभेत १ लाखाने मतदान वाढले. त्यानंतरही मी सतत जनसंपर्कात होतो. मात्र स्थानिक राजकीय गटबाजीमुळे मला गडचिरोली चिमुर लोकसभेचे तिकीट मिळाले नाही," यामुळेच मी राजीनामा देत असल्याचे नामदेव उसेंडी यांनी म्हटले आहे.