Supriya Sule: झिरवळांच्या खात्यातील लाचखोरीची टीप दिली कुणी? सुप्रिया सुळेंचा मोठा सवाल, म्हणाल्या आपल्याच घरात आपल्याच मंत्र्यांवर…

सुप्रिया सुळे, नरहरी झिरवळ, देवेंद्र फडणवीसImage Credit source: टीव्ही ९ मराठी

Supriya Sule on Narhari Zirwal : मंत्रालयातील अन्न व औषध प्रशासन विभागातील लाचखोरीमुळे अजितदादांच्या राष्ट्रवादी काँग्रेसचे नेते आणि मंत्री नरहरी झिरवळ अडचणीत सापडले आहे. या सर्व प्रकरणावर शरद पवार राष्ट्रवादीच्या खासदार सुप्रिया सुळे यांनी मोठा सवाल उभा केला. मंत्रालयात एसीबीने जी कारवाई केली त्याअनुषंगाने काही सवाल उपस्थित केले आहे. त्यातून त्यांनी मुख्यमंत्र्यांवर निशाणा साधला आहे. झिरवळांच्या खात्यातील लाचखोरीची टीप कुणी दिली असा सवाल करत त्यांनी या कारवाईवर मोठे प्रश्नचिन्ह उपस्थित केले आहे.

आपल्याच घरात आपल्याच मंत्र्यांवर…

मुख्यमंत्री हे मंत्रालयाचे प्रमुख आहेत. मंत्री हा मंत्री असतो. त्याला पक्षात विभागू नका. ACB कारवाईचे रिपोर्टिंग कुणाला करत? तर मुख्यमंत्र्यांना करतं. मंत्रालयाच्या 6 व्या मजल्यावर बसतात. त्यांच्याकडे गृहमंत्रालय आहे. या गृहमंत्रालयानेच मंत्रालयातील तिसऱ्या,चौथ्या मजल्यावरील त्यांच्याच कॅबिनेटमधील मंत्र्याकडे एसीबी जाणं हे धक्कादायक नाही का? मग ही तक्रार केली कुणी? मुख्यमंत्री देवेंद्र फडणवीस यांनी याचं उत्तर दिलं पाहिजे असे सुप्रिया सुळे म्हणाल्या.

कुणीतरी टीप ऑफ दिला ना. हा टिप ऑफ कुणी दिला. स्वतःच्याच मंत्र्याला, मंत्रालयातच कारवाई होते. म्हणजे तुम्हीच तुमच्या मंत्र्यांवर रेड करता, छापा घालता. मुख्यमंत्री ज्या वास्तूत बसतात. त्यात, त्यांच्या डोळ्यासमोर, त्याच मंत्र्यांच कार्यालय तुम्ही सील करता. हा मोठा धक्का आहे. आपल्याच घरात आपण आपल्याच माणसावर छापा घातला असा हा प्रकार आहे. टीप कुणी दिली. हे खरं आहे की खोटं आहे याची उत्तरं माझ्याकडं नाहीत असे सुप्रिया सुळे म्हणाल्या. डेटा आणि वास्तव नसल्यास मी त्यावर अधिक भाष्य करणे, बोलणे योग्य नाही. पण मंत्रालयात स्वतःच्याच मंत्र्यांवर असा छापा घालणं धक्कादायक आहे. जेव्हा तुम्ही मुख्यमंत्री असता तेव्हा तुम्ही राज्याचे मुख्यमंत्री असता, पक्षाचे नसता. मंत्री हा पक्षाचा नसतो. तर तुमच्या कॅबिनेटचा असतो असं सांगत त्यांनी कार्यालय सील करणं यावर आणि या कारवाईमागे संशयाचा धूर असल्याचे इंगित केले.

तर अजितदादांच्या पक्षाची काय भूमिका आहे याविषयी आपण काही सांगू शकत नसल्याचे त्या म्हणाल्या. झिरवळांना सुनेत्रा पवार यांनी समज दिली नाही दिली याविषयी मी सांगू शकत नाही. झिरवळांसोबत मी काम केलं आहे. ते शून्यातून वर आले आहे. त्यामुळे झिरवळांबाबत जो आरोप केला जात आहे, त्याबाबत पारदर्शकपणे चौकशी व्हावी आणि मुख्यमंत्र्यांनी त्यावर स्पष्टीकरणं द्यायला हवं अशी प्रतिक्रिया सुप्रिया सुळे यांनी दिली. मी झिरवळांना अनेक दिवसांपासून ओळखते. छगन भुजबळ आणि नबाब मलिक जेव्हा अडचणीत आले ,तेव्हा मी त्यांच्यासोबत होते. आम्ही एकमेकांच्या सुख-दुःखात सोबत असल्याचे त्यांनी स्पष्ट केले.

[embedded content]