Pune : पुण्यात भीषण अपघात; दोन वाहनांची समोरासमोर धडक, एकाचा मृत्यू, पुणे हळहळलं

Indapur : उसाचा ट्रॅक्टर आणि स्विफ्ट गाडी यांच्यामध्ये झालेल्या अपघातात एक जणाचा मृत्यू झाला आहे. तर, दोन जण गंभीर जखमी झाल्याची घटना घडली आहे. सदरचा अपघात भिगवण राशीन राज्य महामार्गावर डिकसळ (तालुका इंदापूर) गावच्या हद्दीत मंगळवारी (13 जानेवारी) रात्री साडेदहाच्या सुमारास घडला आहे. या घटनेने परिसरात एकच खळबळ माजली आहे.

अतुल बाबूलाल गजरमल (वय 38 रा. कात्रज ता. करमाळा, जि. सोलापूर) असे अपघातात मृत्युमुखी पडलेल्या व्यक्तीचे नाव आहे. विजय हनुमंत शिंदे (वय 38) आणि दादासो सर्जेराव डुबे (वय 35, दोघेही रा. कात्रज ता. करमाळा जि. सोलापूर) हे दोघे गंभीररित्या जखमी झाले आहेत.

Pune : क्राइम ब्रांचच्या कारवाईनंतर अजित पवार ठाम; “नरेश अरोरा आमच्याच पाठिशी” म्हणत दिली पहिली प्रतिक्रिया

अपघाताची माहिती मिळताच पोलिसांची घटनास्थळी धाव
या अपघाताची माहिती मिळताच भिगवण पोलिसांनी घटनास्थळी धाव घेतली. घटनास्थळी अपघातग्रस्त वाहनं बाजूला करत वाहतूक सुरळीत करण्यात आली. विशेष म्हणजे या ऊस हंगामात बारामती राशीन या राज्य मार्गावरील हा सातवा बळी ठरला असून, ट्रॅक्टर चालकांच्या बेफिकिरीमुळे अपघातांचे प्रमाण वाढत असल्याचा आरोप नागरिकांकडून केला जात आहे.

दोन्ही वाहनांची समोरासमोर जोरदार धडक
याप्रकरणी भिगवण पोलिसांनी दिलेल्या अधिक माहितीनुसार, चारचाकी स्विफ्ट कार (एम. एच. 12 के. वाय. 1615) ही भिगवण बाजूकडून राशीन बाजूकडे निघाली होती. तर ऊस वाहतूक करणारा ट्रॅक्टर (एम. एच. 45 एफ 3025) हा बारामतीच्या दिशेने निघाला होता. यावेळी त्या दोन वाहनांमध्ये समोरासमोर जोरदार धडक झाली.

या अपघातात सुदैवाने ट्रॅक्टर चालकाला मोठी दुखापत झाली नसली तरी या अपघातात एकाचा दुर्दैवी मृत्यू झाला आहे. या अपघातात दोन्ही वाहनांचे मोठ्या प्रमाणात नुकसान झाले आहे. पुढील तपास भिगवण पोलिस ठाण्याचे सहाय्यक पोलिस निरीक्षक विनोद महांगडे यांच्या मार्गदर्शनाखाली पोलिस हवालदार विठ्ठल वारघड करीत आहेत. या अपघाताने परिसरात एकच खळबळ माजली अजून काहीकाळ वाहतूक विस्कळीत झाली होती.