Vidarbh Rain Update : विदर्भात हाय अलर्ट! विजांच्या कडकडाटासह जोरदार पाऊस, IMD चा इशारा

Nagpur : विदर्भवासीयांनो तुमच्यासाठी पुढील काही तास धोक्याचे असणार आहेत. हवामान विभागाने विदर्भातील नागपूर, भंडारा, गोंदिया, गडचिरोली, चंद्रपूर आणि वर्धा जिल्ह्यात विजांच्या कडकडाटासह अतिवृष्टी होणार असल्याचा अंदाज वर्तवला आहे. या धर्तीवर हवामान विभागाने हाय अलर्ट जारी केला आहे. तर नागरिकांना सतर्क राहण्याचे आवाहन देखील करण्यात आले आहे.

महाराष्ट्रातील विविध भागांत पावसाची संततधार सुरु आहे. जुलै महिन्यात आतापर्यंत पावसाने काही जिल्ह्यात धुवाधार हजेरी लावली आहे. तर उर्वरित दिवसांमध्येही पावसाचा जोर कायम राहण्याची शक्यता आहे. हवामान विभागाने तशी पू्र्वसूचना दिली असून अलर्ट जारी केला आहे.

दरम्यान, पावसापासून संभावित धोक्यापासून बचावासाठी विभागीय हवामान खात्याने अॅडव्हायझरीसुद्धा जाहीर केली आहे. आणि नागरिकांना खबरदारी घेण्याचे आवाहन करण्यात आले आहे.

Pune : वादग्रस्त आयएएस अधिकारी पूजा खेडकर यांनी पत्ता दिलेल्या कंपनीवर पिंपरीच्या आयकर विभागाची कारवाई, कंपनी केली सील

या गोष्टींची खबरदारी घेणे महत्वाचे

• मोठ्या इमारतीत किंवा पूर्णपणे बंदिस्त वाहनात आश्रय घ्यावा. मोकळी जागा, उंच जमीन, उंच अलगद झाडे आणि कोणत्याही धातूच्या वस्तू यांच्यालगत राहणे टाळा
• विद्युत उपकरणांचा विद्युत पुरवठा बंद करा आणि लँडलाइन टेलिफोन वापरणे टाळा
• वादळी वारा वीजांचा कडकडाट होत असताना शॉवर, अंघोळ करू नका किंवा नळ वापरू नका, कारण वीजेचे प्लंबिंगमधून प्रवाहित होण्याची शक्यता नाकारता येत नाही
• उघड्या खिडक्या किंवा दारांमधून वीज इमारतींमध्ये प्रवेश करू शकते. सर्व खिडक्या आणि दरवाजे बंद करावेत
• घराबाहेर छत्र्या, सायकली किंवा इतर कोणत्याही धातूच्या वस्तू वापरणे टाळा. कारण धातूमुळे वीज पडण्याचा धोका वाढतो
• तुम्ही जर बाहेर मुसळधार पावसात अडकला असाल तर झाडे, खांब किंवा कोणत्याही उंच वस्तूंपासून दूर असलेला सखल भाग शोधा. तिथेच थांबा, तुमचे पाय एकत्र ठेवा आणि जमिनीशी तुमचा संपर्क कमी करा. यानुसार तुमच्यावरील धोका टळण्याची शक्यता आहे.
• लक्षात ठेवा, पाऊस सुरू होण्यापूर्वी किंवा थांबल्यानंतरही विजांचा धोका टळत नाही. वादळ पूर्णपणे शमेपर्यंत आणि परिस्थिती सुधारेपर्यंत सावध राहणे महत्त्वाचे आहे
•