पुणे: वाहतुकीत मोठे बदल; गोळीबार मैदान परिसरातील रस्ते बंद, 'हे' आहेत पर्यायी मार्ग!

पुणे: बकरी ईदनिमित्त पुण्यात मोठ्या उत्साहात नमाज पठण होणार आहे. गोळीबार मैदान ईदगाह परिसरामध्ये सामूहिक नमाजसाठी भाविकांची मोठी गर्दी होण्याची शक्यता आहे. ही गर्दी आणि सुरक्षितता लक्षात घेता, पुणे वाहतूक पोलिसांनी वाहतुकीत काही महत्त्वाचे तात्पुरते बदल केले आहेत.

 

वाहतुकीतील महत्त्वाचे बदल (आज सकाळी ६ ते ११:३० वाजेपर्यंत):

बंद रस्ते: मम्मादेवी चौक ते गोळीबार मैदान, ढोले पाटील (सेव्हन लव्हज) चौक ते गोळीबार मैदान, आणि सीडीओ चौक ते गोळीबार मैदान या मार्गांवरील वाहतूक बंद राहील.

जड वाहनांना बंदी: लुल्लानगर चौकातून गोळीबार परिसराकडे येणाऱ्या जड मालवाहू वाहनांसह एसटी आणि पीएमपीएमएल बसलाही प्रवेश नाकारण्यात आला आहे.

प्रवेशबंदी: मम्मादेवी चौक, सीडीओ चौक, सेव्हन लव्हज चौक आणि जुनी सोलापूर बाजार चौकी येथून गोळीबार चौकाकडे जाण्यास मनाई आहे.

वाहतूक पोलिसांनी सुचवलेले पर्यायी मार्ग:

स्वारगेटकडे जाणारी जड वाहने: प्रिन्स ऑफ वेल्स रोडमार्गे लुल्लानगर चौकातून पुढे जातील.

पुणे स्टेशनकडे जाणारी हलकी वाहने: इम्प्रेस गार्डन रोडचा वापर करू शकतील.

मम्मादेवी चौकातील वाहने: बिशप स्कूल किंवा कमांड हॉस्पिटल मार्गे पुढे जाऊ शकतील.

लुल्लानगरकडून येणारी वाहने: सीडीओ चौकातून डावीकडे वळण्याची सुविधा उपलब्ध आहे.

नेपियर रोडचा वापर: खटाव बंगला चौकातील 'राईट टर्न बॅन' तात्पुरता हटवण्यात आला असून, वाहनचालक नेपियर रोडवरून प्रवास करू शकतील.

नागरिकांना नाहक त्रास टाळण्यासाठी पर्यायी मार्गांचा वापर करण्याचे आवाहन वाहतूक विभागाने केले आहे.