Maharashtra Politics : माणिकराव कोकाटेंचा राजीनामा अजित पवारांनी अधिकृतपणे स्वीकारला

Maharashtra Politics : राज्याचे क्रीडामंत्री माणिकराव कोकाटे यांनी बुधवारी दिनांक(17) आपल्या मंत्रीपदाचा राजीनामा दिला. राज्यपाल आचार्य देवव्रत यांनी मुख्यमंत्री देवेंद्र फडणवीस यांच्या पत्राचा संदर्भ देत खातेबदल पत्रावर मंजूरी दिली आहे. हाच राजीनामा उपमुख्यमंत्री अजित पवारां नी स्वीकारला आहे. त्यामुळे राज्याच्या राजकीय वर्तुळातील ही सर्वात मोठी बातमी आहे. आता अजित पवार यांच्याकडेच माणिकराव कोकाटे यांच्याकडील सर्व खात्यांची जबाबदारी असणार आहे. अजित पवारांनी याबाबत पोस्ट करत ही माहिती दिली आहे.

माननीय न्यायालयाच्या निकालानंतर महाराष्ट्राच्या मंत्रिमंडळातील सदस्य व पक्षातील आमचे सहकारी माणिकराव कोकाटे यांनी आपला राजीनामा माझ्याकडे सुपूर्द केला आहे. कायदे-नियम हे सर्वोच्च स्थानी असून ते कोणत्याही व्यक्तीपेक्षा सर्वोतोपरी आहेत, या आमच्या पक्षाच्या दीर्घकालीन भूमिकेनुसार हा राजीनामा तत्त्वतः स्वीकारण्यात आला आहे.

Jalna : मोठी दुर्घटना जालन्यात मजुरांनी भरलेला टेम्पो पलटी, १ मृत, २० जखमी; घटनास्थळी खळबळ

संवैधानिक प्रक्रियेनुसार पुढील कार्यवाहीसाठी श्री. माणिकराव कोकाटे यांचा राजीनामा मा. मुख्यमंत्री महोदयांकडे पाठवण्यात आला आहे.सार्वजनिक जीवन हे नेहमीच संविधानिक नैतिकता, संस्थात्मक प्रामाणिकता आणि न्यायपालिकेच्या सन्मानावर आधारित असावं, या मूल्यांवर आमच्या पक्षाची निरंतर वाटचाल राहिली आहे. कायदेशीर प्रक्रियेवर आमचा ठाम विश्वास आहे. राज्यात कायदा-व्यवस्थेचं काटेकोरपणे पालन होईल, याकरिता आम्ही कटिबद्ध आहोत. लोकशाही मूल्ये जपली जातील व जनतेच्या विश्वासाला तडा जाणार नाही, त्या दृष्टीकोनातून आम्ही सदैव कार्यतत्पर राहू. असे अजित पवारांनी आपल्या पोस्टमध्ये म्हटले आहे.