Ahmedabad Plane Crash : अहमदाबाद- लंडन एअर इंडियाच्या विमानात तांत्रिक बिघाड, मोठी दुर्घटना टळली

AI-159 Ahmedabad London flight canceled due to technical fault : अहमदाबादहून लंडनला निघालेली एअर इंडियाची फ्लाईट तांत्रिक कारणामुळे रद्द करण्यात आले आहे. गेल्या आठवड्यात अहमदाबादमध्ये झालेल्या विमान दुर्घटनेत २७४ जणांचा मृत्यू झाला होता. त्यानंतर आज अहमदाबादहून लंडनसाठी विमानसेवा सुरू झाली होती. प्रवासी जीव मुठीत घेऊन विमानात बसले होते. पण विमानात तांत्रिक बिघाड असल्याचे समोर आल्यामुळे उड्डाण रद्द करण्यात आले आहे.

मिळालेल्या माहितीनुसार, एअर इंडियाचे बोईंग विमान फ्लाईट क्रमांक एआय १५९ आज एक वाजून १० मिनिटांनी अहमदाबादवरून लंडनसाठी रवाना होणार होतं. पण विमानात तांत्रिक बिघाड असल्याचे निदर्शनास आल्यानंतर फ्लाईट रद्द करण्यात आली आहे.
काही दिवसांपूर्वी झालेल्या विमान अपघातानंतर आज पहिल्यांदाज अहमदाबादहून लंडनला एअर इंडियाचे विमान जाणार होते. पण विमानात तांत्रिक बिघाड असल्याचा संशय आल्यामुळे रद्द करण्यात आले. बोईंग 787-8 ड्रीमलाइनर असलेले फ्लाइट AI 159 दुपारी १:१० वाजता उड्डाण करणार होते. पण उड्डाणाच्या काही तास आधी बिघाड असल्याचे आढळल्याने रद्द करण्यात आले.

उड्डाण घेण्याआधी विमानाची तांत्रिक तपासणी केली जाते. त्यामध्येच या विमानात तांत्रिक बिघाड असल्याचं समोर आले. त्यामुळे मोठा धोका टळला अन् शेकडो प्रवाशांचा जीव वाचला. पण ऐनवेळी फ्लाईट रद्द झाल्याने लंडनला जाणाऱ्या अनेक प्रवाशांना विमानतळावर अडकून पडावे लागले.

गेल्या काही दिवसांत दुसऱ्यांदा अहमदाबाद-लंडन मार्गावरील एअर इंडियाच्या फ्लाइटमध्ये बिघाड झाला आहे. यापूर्वी १४ जून रोजीही एक फ्लाइट रद्द झाली होती. सोमवारपासून पूर्वीचे फ्लाइट क्रमांक AI 171 बंद करण्यात आले. आता ही सेवा AI 159 म्हणून चालवली जात आहे. एअरलाइनने प्रवाशांच्या सुरक्षेला सर्वोच्च प्राधान्य असल्याचे सांगितले आहे. तरी सातत्याने होणाऱ्या या व्यत्ययांमुळे प्रवाशांमध्ये चिंता निर्माण झाली आहे.