शेतात कांद्याचं पीक, पांढरी अन् गुलाबी फुलं येताच ठाकरे गटाच्या पदाधिकाऱ्याचं बिंग फुटलं; पोलिसांनी धाड टाकली, दृश्य बघून चक्रावले!

बालाजी सुरवसे, साम टीव्ही

धाराशिव: ठाकरे गटाचा वाशी उपतालुकाप्रमुख समाधान उघडे याच्या शेतातून तब्बल 485 किलोची अफूची झाडे जप्त करण्यात आली आहेत. धारशिव जिल्ह्यातील वाशी तालुक्यामध्ये असलेल्या दशमेगाव शिवारात या उघडेने त्याच्या शेतात अफूची लागवड केली आहे, अशी गोपनीय माहिती एका खबऱ्याने पोलिसांना दिली. गुन्हे शाखेच्या पोलिसांनी तातडीने धाड टाकली. शेतात अफूची झाडे आढळली. बाजारभावानुसार या झाडांची किंमत 73 लाख रुपये इतकी आहे. या प्रकरणी बुधवारी रात्री आरोपीवर गुन्हा दाखल करण्यात आला, अशी माहिती पोलिस अधीक्षक रितू खोखर यांनी दिली.