पाकिस्तानात भयंकर घडलं! इमरान खानबाबत धक्कादायक माहिती समोर, चक्क एक डोळा…

पाकिस्तानचे माजी पंतप्रधान आणि पीटीआयचे संस्थापक इमरान खान गेल्या काही दिवसांपासून रावळपिंडीतील आडियाला तुरुंगात आहेत. आता त्यांच्याबाबत अतिशय धक्कादायक माहिती समोर येत आहे. इमरान खान यांच्या प्रकृतीबाबत माहिती ऐकून पाकिस्तानमध्ये खळबळ माजली आहे. आता त्यांना नेमकं काय झालं? असा प्रश्न अनेकांना पडला आहे.

इमरान खान गेल्या कित्येक दिवसांपासून डोळ्यांशी संबंधीत आजाराशी झुंज देत आहेत. त्यांच्या डोळ्याच्या स्थितीवर पाकिस्तानच्या सुप्रीम कोर्टमध्ये एक अहवाल सादर करण्यात आला आहे. या अहवालानुसार, इमरान खान यांच्या डोळ्यांची दृष्टी फक्त १५ टक्के राहिली आहे, ज्यामुळे ते योग्यरित्या पाहू शकत नाहीत. त्यांना तात्काळ उपचारांची गरज आहे. अहवालात पुढे म्हटले आहे की, जर लवकरात लवकर उपचार केले गेले नाहीत तर ते दोन्ही डोळे पूर्णपणे गमावू शकतात. बीबीसी उर्दूच्या माहितीनुसार, पाकिस्तानच्या सुप्रीम कोर्टाने या प्रकरणात त्वरित कारवाई केली आहे. कोर्टाने सरकारला सांगितले आहे की, १६ फेब्रुवारीपूर्वी देशातील डॉक्टरांची एक टीम पाठवा आणि त्यांचे योग्य उपचार करा.

इमरान खानबाबत आणखी काय सांगितले गेले?

खरे तर, सुप्रीम कोर्टाने काही दिवसांपूर्वी वरिष्ठ वकील सलमान सफदर यांना इमरान खान यांची भेट घेण्यासाठी पाठवले होते. सफदर यांनी इमरान यांची भेट घेतल्यानंतर एक अहवाल तयार केला. या अहवालात म्हटले आहे की, इमरान यांना आपल्या सुरक्षिततेबाबत समाधान आहे, पण त्यांना कुटुंबीयांना भेटण्यास परवानगी दिली जात नाही. सफदर यांनी आपल्या अहवालात सांगितले की, ऑक्टोबर २०२५ पर्यंत इमरान ठीक होते, पण त्यानंतर त्यांच्या उजव्या डोळ्याची दृष्टी अचानक गेली. सफदर यांनी सुप्रीम कोर्टाला सांगितले की, ते शारीरिकदृष्ट्या निरोगी आहेत, पण पाहू शकत नाहीत. त्यांना वैद्यकीय उपचारांची गरज आहे. सफदर यांनी सुप्रीम कोर्टाला विनंती केली की, त्यांना त्यांच्या मुलांशी बोलण्याची व्यवस्था करावी. यावर सरकारच्या वकिलाने सहमती दर्शवली. सुप्रीम कोर्टाने इमरान खान यांना त्यांच्या दोन्ही मुलांशी फोनवर बोलण्याची परवानगी दिली आहे.

इमरान खान यांच्या डोळ्यात काय समस्या आहे?

पाकिस्तान तहरीक-ए-इंसाफ (पीटीआय)च्या माहितीनुसार, इमरान खान यांच्या उजव्या डोळ्यात सेंट्रल रेटिनल वेन ऑक्लूजन (Central Retinal Vein Occlusion) झाले आहे, ज्यामुळे डोळ्यातील नसांमध्ये “धोकादायक अडथळा” निर्माण झाला आहे. पाकिस्तान सरकारचे म्हणणे आहे की, त्यांचे उपचार झाले आहेत. पक्ष यावर समाधानी नाही. नॅशनल हेल्थ फाउंडेशनच्या मते, या आजारात डोळ्यातील नसांमध्ये रक्ताची गाठ तयार होते. इमरान खान मे २०२३ पासून जेलमध्ये आहेत. त्यांच्यावर भ्रष्टाचार आणि सेनेविरुद्ध लोकांना उकसवण्याचा आरोप आहे.