एन. रघुरामन यांचा कॉलम:डगमगत्या बाजारात घ्या स्काऊटसारखे निर्णय

सगळीकडे कुजबुज सुरू आहे की शेअर बाजारात मोठी खळबळ होणार आहे. असे झाले तर काय काळजी करावी? मी हो किंवा नाही असे उत्तर देणार नाही. माझा सल्ला आहे की, तुम्ही एखाद्या सैनिकासारखी आक्रमक प्रतिक्रिया देण्याऐवजी एखाद्या स्काऊटसारखे तथ्य गोळा करा. खरं तर, या चर्चा बहुतांश वेळा स्वतःला तज्ज्ञ समजणाऱ्या लोकांकडून येतात. सोशल मीडिया आणि व्हॉट्सॲप युनिव्हर्सिटीवर लोक एखाद्या वैचारिक हल्ल्यावर निघालेल्या सैनिकांसारखे असतात, जे त्यांच्याशी असहमत असणाऱ्या प्रत्येक व्यक्तीचा पराभव करण्यासाठी उतावीळ असतात. ते ‘क्लिअर्स लॉ ऑफ रिकरन्स’ सिद्धांताने प्रेरित असतात. म्हणजेच एखाद्या विचारावर विश्वास ठेवणाऱ्या लोकांची संख्या थेट या गोष्टीवर अवलंबून असते की तो विचार किती वेळा पुनरावृत्ती केला गेला. जेव्हा तुम्ही अशा अफवेवर पलटवार करता, तेव्हा नकळतपणे तुम्ही त्याच गोष्टीला प्रोत्साहन देत असता. जसे एक्स चे एक माजी कर्मचारी यांनी लिहिले होते, ‘जेव्हा तुम्ही अशा एखाद्या ट्वीटला रीट्वीट किंवा कोट करता, ज्यामुळे तुम्ही नाराज आहात, तेव्हा तुम्ही त्यांची मदत करत असता.’ जेव्हा या अफवा सतत येत राहतात तेव्हा त्यांच्याकडे दुर्लक्ष केले पाहिजे. याउलट, नवीन विचार शेअर झाले पाहिजेत. हे अर्थतज्ज्ञ टायलर कोवेन यांच्या सल्ल्याची आठवण करून देते, ज्यात त्यांनीही म्हटले होते, ‘याबद्दल बोलण्यात जेवढा कमी वेळ घालवता येईल तेवढा कमी घालवा.’ बाजारातील ही कुजबुज अफवांपेक्षा जास्त काही नाही. एका स्काऊटसारखे स्वतःला खऱ्या तथ्यांची ओळख करून द्या. बाजार डगमगतो, तेव्हा संयमाने हे समजून घ्या की, घसरत्या बाजारात कसे पुढे जायचे. स्वतःला काही महत्त्वाचे प्रश्न विचारा: जोखीम विभागणे एक सुरक्षित गुंतवणूक पोर्टफोलिओ बनवण्याची गुरुकिल्ली आहे? जर तुम्ही मंदीच्या काळात ॲसेट्स खरेदी करता, तर त्या शॉर्ट टर्ममध्ये मोठा परतावा देतील की लॉंग टर्ममध्ये? काही कठीण, व्यावहारिक प्रश्नही विचारा,की आणीबाणीच्या स्थितीत बाजारातून पैसे काढावे लागले तर? मॅनेजमेंट टीप: अस्थिरतेत अधिक संशोधन करा. अर्थतज्ज्ञ जॉन मेनार्ड कीन्स यांनी म्हटले होते, तथ्य बदलतात, तेव्हा तुम्ही तुमचे मत बदलले पाहिजे. याने तुम्हाला हे समजेल की बाजारातील चढ-उतार कसे हाताळायचे?