‘अल्फा’च्या सेटवर आलियाचं वाजलं? आदित्य चोप्राला करावा लागला हस्तक्षेप, पिक्चर रिलीज होणार की नाही ?

यशराज फिल्म्सच्या “अल्फा” चित्रपटाची खूप चर्चा होती. मात्र सध्या वेगळ्या कारणांमुळे चर्चेत आला आहे. “अल्फा” च्या सेटवर आलिया भट्ट आणि बॉबी देओल यांच्यात वाद झाल्याच्या बातम्या ऑनलाइन समोर येत आहेत. यामुळे चाहते हैराण झालेत. मात्र कलाकार किंवा निर्मात्यांकडून अद्याप अधिकृत पुष्टीकरण झालेले नाही, असे असले तरी, क्रिएटिव मतभेदांमुळे तणाव निर्माण झाल्याचे वृत्त आहे. एका वृत्तवाहिनीच्या रिपोर्टनुसार, सेटवर आलिया भट्ट आणि बॉबी देओलमध्ये तणाव निर्माण झाला आहे. बॉबीच्या दृश्यामध्ये आलिया सारख्या सूचना करत असते, त्यामुळे हे मतभेद निर्माण झाले.

त्यानंतर बॉबी देओलने आलिया भट्टच्या सूचनांवर आक्षेप घेतला, ज्यामुळे सेटवर तणाव निर्माण झाला. भांडण टोकाला पोहोचल्यामुळे, परिस्थिती इतकी बिकट झाली की शूटिंग सुरळीत सुरू ठेवण्यासाठी निर्माता आदित्य चोप्रा यांना हस्तक्षेप करावा लागला. चित्रपटाबद्दल वाढत्या चर्चांनंतर आता लेटेस्ट रिपोर्टमध्ये असा दावा केला जात आहे की हा चित्रट थिएटरमध्ये रिलीज होणार नाहीये.

डेक्कन क्रॉनिकलच्या रिपोर्टनुसार, चित्रपटाशी जवळच्या ऐका सूत्राने माहिती दिली की, “आदित्य चोप्राला अशी आशा होती की ‘मर्दानी’ मधून फीमेल-हीरो जॉनरला चालना मिळेल, त्यामुळे ‘अल्फा’ हा चित्रपट आलियाला हिरो दाखवून, तसचा चित्रपट म्हणून सादर करता येईल. पण ‘मर्दानी ३’ च्या खराब कामगिरीमुळे आणि स्पाय युनिव्हर्सच्या ‘वॉर २’ मधील अपयशानंतर, ‘अल्फा’ हा चित्रपट आता यशराजचा रखडलेला प्रकल्प दिसत आहे.

ओटीटीवर रिलीज होणार अल्फा? आलिया भट्ट नाराज

रिपोर्ट्सनुसार, “अल्फा” चित्रपट आता थेट ओटीटी प्लॅटफॉर्मवर प्रदर्शित होऊ शकतो, परंतु आलिया भट्टचा याला विरोध आहे. पण कोणतीही पुष्टी झालेली नाही. गेल्या वर्षी, आलिया भट्ट जेद्दा येथील रेड सी फिल्म फेस्टिव्हलमध्ये सहभागी झाली होती, जिथे तिने तिच्या आगामी चित्रपटाबद्दल सांगितलं होतं. “‘अल्फा’ हा YRF विश्वातील पहिला फीमेल-लीड अॅक्शन चित्रपट आहे, म्हणून तो देखील एक धोका आहे, कारण ऐतिहासिकदृष्ट्या दिसलं की असे चित्रपट पुरुष-लीड चित्रपटांइतके चांगले प्रदर्शन करत नाहीत.” त्यामुळे याच्या भविष्याबद्दल साशंकता आहे.

खरंतर अल्फा हा आधी ख्रिसमस म्हणजेच डिसेंबर 2025मध्ये प्रदर्शित होणार होता पण आता तो 17 एप्रिल 2026 रोजी प्रदर्शित होईल. प्रेक्षकांसाठी अल्फाचे व्हीएफएक्स परिपूर्ण करण्यासाठी अधिक वेळ आवश्यक आहे असं सांगत कंपनीने याची पुष्टी केली होती. आता या चित्रटाला कसा प्रतिसाद मिळोत, तो कुठे रिलीज होतो हे पाहणं महत्वाचं ठरेल.