मनोरंजन: दिलजीत चा चित्रपट वादाच्या भोवऱ्यात,काय आहे कारण ?

मनोरंजन: गायक आणि अभिनेता दिलजीत दोसांझ सध्या त्याच्या 'सतलज' या चित्रपटामुळे प्रचंड चर्चेत आहे. चित्रपटाभोवती सुरू असलेल्या वादाच्या पार्श्वभूमीवर दिलजीतने नुकत्याच केलेल्या एका इन्स्टाग्राम लाईव्ह सेशनमध्ये चाहत्यांशी संवाद साधला. दरम्यान त्याला चाहत्यांनी अमेरिकन नागरिकत्व, ग्रीन कार्ड आणि राष्ट्राध्यक्ष डोनाल्ड ट्रम्प यांच्या मुलीबाबत विचारलेल्या प्रश्नांना त्याने आपल्या खास विनोदी शैलीत उत्तरे दिली.

 

लाईव्ह सेशनमध्ये एका चाहत्याने त्याला अमेरिकेच्या ग्रीन कार्डसाठी अर्ज करण्याचा सल्ला दिला. त्यावर दिलजीत मिश्किलपणे म्हणाला, "मी एक कार्ड काढेन आणि त्याला हिरवा रंग देईन." पुढे तो म्हणाला, "मी काहीही बोललो तरी त्याची बातमी होते. प्रत्येकाला व्हिसाशिवाय दुसऱ्या देशात जाण्याची परवानगी असायला हवी." गेल्या काही वर्षांपासून दिलजीतकडे अमेरिकन नागरिकत्व असल्याच्या आणि त्याची पत्नी अमेरिकन नागरिक असल्याच्या चर्चा आहेत; मात्र त्याने यावर कधीही अधिकृत शिक्कामोर्तब केले नाही.

दिलजीतचा 'सतलज' हा चित्रपट सामाजिक कार्यकर्ते जसवंत सिंग खालरा यांच्या जीवनावर आधारित असून, सेन्सॉरच्या अडचणींनंतर ३ जुलै रोजी तो रिलीज झाला होता. मात्र, अवघ्या २४ तासांत तो ओटीटी प्लॅटफॉर्मवरून हटवण्यात आल्याने सध्या या चित्रपटावरून नवा वाद सुरू आहे.