बॉलिवूडचा सर्वात जास्त बोल्ड चित्रपट, पाहण्यासाठी थिएटर बाहेर रांगेत लागायचे लोक, ज्याने इंडस्ट्री हादरवली होती

1997 साली प्रदर्शित झालेला Aastha: In the Prison of Spring हा चित्रपट दिग्दर्शक Basu Bhattacharya यांच्या वास्तववादी शैलीचा उत्तम नमुना मानला जातो. 28 जानेवारी 1997 रोजी प्रदर्शित झालेल्या या हिंदी कौटुंबिक नाट्यपट चित्रपट सुमारे 132 मिनिटांचा चित्रपट आहे. चित्रपटात मध्यमवर्गीय कुटुंबाचे वास्तव, त्यांच्या आकांक्षा आणि नातेसंबंधांतील गुंतागुंत यांचे प्रभावी चित्रण करण्यात आले आहे.

या चित्रपटात Rekha यांनी ‘मानसी’ ही मध्यवर्ती भूमिका साकारली आहे तर ओम पुरी यांनी ‘अमर’ची भूमिका निभावली आहे. याशिवाय इतर देखील काही कलाकारांनी महत्त्वपूर्ण भूमिका साकारल्या आहेत.

चित्रपटाची कथा मानसी आणि अमर या विवाहित दांपत्याभोवती फिरते. अमर हा कॉलेजमधील प्राध्यापक असून मानसी गृहिणी आहे. दोघेही आपल्या मुलीसह आनंदी आयुष्य जगत असतात. मात्र, एका छोट्याशा प्रसंगातून मानसीच्या आयुष्यात मोठा बदल घडतो. मुलीसाठी बूट खरेदी करताना पैसे अपुरे पडल्यामुळे ती ‘रीना’ नावाच्या महिलेची मदत घेते. हळूहळू मानसी एका चुकीच्या जाळ्यात अडकत जाते आणि पैशांच्या मोहात व भावनिक कमतरतेतून ती अनपेक्षित वाटेवर वळते.

या प्रवासात मानसी स्वतःच्या इच्छांशी, नैतिकतेशी आणि कुटुंबाप्रती असलेल्या जबाबदारीशी संघर्ष करते. शेवटी ती आपल्या पतीसमोर सत्य मांडते. या कथानकातून दांपत्य नात्यातील विश्वास, अपराधीपणा, माफ करण्याची ताकद आणि स्त्रीच्या मानसिक जगाचे सूक्ष्म पैलू उलगडले जातात.

धाडसी विषय आणि वाद

चित्रपटात एका विवाहित स्त्रीच्या लैंगिकतेचा आणि भौतिक इच्छांचा उघडपणे वेध घेण्यात आला होता. त्यामुळे प्रदर्शना वेळी या चित्रपटावर मोठा वाद निर्माण झाला. विशेषतः रेखा यांच्या भूमिकेला ‘बोल्ड’ संबोधण्यात आले. काही प्रेक्षकांनी टीका केली तर अनेकांनी या चित्रपटाचे वास्तववादी आणि संवेदनशील सादरीकरण म्हणून कौतुक देखील केले.

चित्रपटाला समीक्षकांकडून सकारात्मक प्रतिसाद मिळाला आणि हिट ठरला. रेखा यांच्या अभिनयाचे विशेष कौतुक झाले. मध्यमवर्गीय जीवनातील आर्थिक ताणतणाव आणि भावनिक गरजांवर भाष्य करणाऱ्या या चित्रपटाने कला आणि व्यावसायिक चित्रपटामधील दरी कमी करण्याचा प्रयत्न केला. IMDb वर या चित्रपटाला 6.4 अशी रेटिंग मिळाली आहे.