Melody Road Video: कार जाताच ऐकायला मिळणार ‘जय हो’ गाण्याची धून, भारतातील पहिला मेलोडी रोड मुंबईत; कुठे आणि कसा करायचा प्रवास?

पहिल्या टप्प्यात या रस्त्यावर ५०० मीटर लांब विशेष संगीतमय रिब्स म्हणजे पट्ट्या बसविण्यात आल्या आहेत. या पट्ट्यांमधील विशिष्ट अंतर आणि त्यावरून ताशी ६० ते ७० किलोमीटर प्रति वेगाने जाणाऱ्या वाहनाच्या चाकाचे होणारे घर्षण यामुळे स्वरांची निर्मिती होते. हे स्वर त्या वाहनातील प्रवाशांना ऐकू येतील. आंतरराष्ट्रीय दर्जाचे अद्ययावत तंत्रज्ञान, भारतीय संस्कृती आणि संगीताचा सुंदर मिलाफ म्हणून हा मेलोडी रोड सर्वांसाठी उत्सुकतेचा विषय ठरत आहे. या रस्त्यावरून प्रवास करण्याची प्रत्येकाचीच इच्छा आहे.