Jalna : मोठी दुर्घटना जालन्यात मजुरांनी भरलेला टेम्पो पलटी, १ मृत, २० जखमी; घटनास्थळी खळबळ

Jalna : जालन्यात अपघाताची भीषण दुर्घटना घडली आहे. शेतीचं काम करण्यासाठी घेऊन जाणाऱ्या कामगारांचा टेम्पो उलटल्याने मोठा अपघात झालला आहे. या अपघातात 20 कामगार जखमी झाले आहेत. जालना जिल्ह्यातील राजूर- टेंभुर्णी रोडवरील देळेगव्हाण येथे हा अपघात झाला आहे. ही अपघाताची घटना आज सकाळी दहा वाजेच्या सुमारास घडली. भोकरदन तालुक्यात आपल्या पोटाची खळगी भरण्यासाठी आलेल्या मजुराच्या टेम्पोचा भीषण अपघात झाला आहे. हा अपघात एका स्कुटी चालकाला वाचवण्यासाठी झाला. पण टम्पो चालकाला त्यात यश आलं नाही. या घटनेत स्कुटी चालकाचा जागीच मृत्यू झाला आहे. तसेच टेम्पोत बसलेले 20 कामगार गंभीर जखमी झाली आहेत.

शेतातील अद्रक काढण्यासाठी 20 कामगार टेम्पोतून जात होते. यावेळी देळेगव्हाण येथे अचानक स्कुटी मध्ये आली. त्या स्कुटीच्या चालकाला वाचवताना टेम्पो पलटी झाला. त्यामुळे टेम्पोतील 20 कामगार जखमी झाले आहेत. तर स्कुटी चालकाचा या भीषण अपघातामध्ये डोक्याला मार लागून अतिरक्तस्राव होऊन अपघातस्थळीच मृत्यू झाला आहे.

Pune : पुणेकरांसाठी महत्त्वाची बातमी! पुढील २४ तास पाणीपुरवठा थांबणार, जाणून घ्या नियोजन काय आहे

विशेष म्हणजे अपघात जिथे घडला त्याच ठिकाणी2 महिन्यापूर्वी भरधाव कार एका पादचाऱ्याला वाचवण्याच्या गडबडीत विहिरीत सिमेंटचे कठाडे तोडून आत गेली होती. या दुर्घटनेत एकाच परिवारातील 5 जणांचा दुर्दैवी मृत्यू झाला होता. याच ठिकाणी आता हा भीषण अपघात झाल्याने स्कुटी चालकाचा मृत्यू झाला आहे.

दरम्यान हा अपघात झाल्याचे कळताच परिसरातील शेतकऱ्यांनीआणि प्रवास करणाऱ्या प्रवाशांनी आपली वाहने थांबवत तात्काळ जखमींना रुग्णाण्यात हलवण्याचे काम सुरू केले. या अपघाताची माहिती काही नागरिकांनी राजूर आणि टेंभुर्णी पोलिसांना देताच त्यांनी सुद्धा घटनास्थळी धाव घेतली. रुग्णवाहिकांना कॉल करून तात्काळ जखमी मजुरांना जालना येथे घाटी रुग्णालयात उपचारासाठी दाखल केले आहे. मात्र यात जखमींचे आणि या अपघातात मयत झालेल्या व्यक्तींची नावे कळू शकलेली नाहीत. या अपघाताची नोंद टेंभुर्णी पोलीस ठाण्यात घेण्यात आली आहे. या प्रकरणी पुढील तपास टेंभुर्णी पोलीस करत आहेत.