Badalapur Politics : पैशांच्या वाटपावरून मोठा गोंधळ! राष्ट्रवादी आणि शिवसेना कार्यकर्ते एकमेकांसमोर; राजकारणात खळबळ

Badalapur : स्थानिक स्वराज्य संस्थांच्या निवडणुकीदरम्यान राज्यात अनेक मोठ्या घडामोडी घडताना दिसत आहे. सर्वच राजकीय पक्षांकडून जोरदार प्रचार सुरू आहे. अशातच अनेक ठिकाणी महायुतीमधील अंतर्गत वाद चव्हाट्यावर येताना दिसत आहेत. बदलापुरमधील महायुतीमध्ये राडा झाल्याचे पाहायला मिळाले.

राष्ट्रवादी काँग्रेस अजित पवार गटाच्या उमेदवाराकडून मतदारांना पैसे वाटप केले जात असल्याचा आरोप शिंदेसेनेकडून करण्यात आला. राष्ट्रवादी काँग्रेसच्या महिला कार्यकर्त्यांना पैशांच्या पाकिटांसह रंगेहात पकडण्यात आले. बदलापुरच्या प्रभाग क्रमांक १ मध्ये राष्ट्रवादी आणि शिंदेसेनेचे कार्यकर्ते आपापसात भिडले.

Sangli : सांगलीत प्रचारादरम्यान हायव्होल्टेज ड्रामा; दोन गटांमध्ये राडा, राष्ट्रवादी नेत्यांकडून गंभीर आरोप

बदलापुरात राष्ट्रवादीच्याउमेदवारांकडून पैसे वाटप सुरू असल्याचा आरोप शिंदेसेनेनं केला आहे. प्रभाग क्रमांक १ मध्ये राष्ट्रवादीच्या महिला कार्यकर्त्याकडून पैशानं भरलेली पाकीटं वाटत असल्याचा आरोप करत शिवसेना शिंदेसेनेच्या कार्यकर्त्यांनी या महिला कार्यकर्त्यांना रंगेहात पकडलं. त्यानंतर या ठिकाणी काही काळ शिंदेसेनेचे कार्यकर्ते आणि राष्ट्रवादीचे कार्यकर्ते आमने-सामने आल्यामुळे जोरदार राडाही पाहायला मिळाला.

बदलापुरच्या प्रभाग क्रमांक १ मधील शांतीनगर भागात राष्ट्रवादीच्या महिला कार्यकर्ता पैशाने भरलेली पाकीट मतदारांना वाटत असल्याची माहिती शिवसैनिकांना मिळाली होती. या माहितीच्या आधारे शिवसेनेच्या कार्यकर्त्यांनी घटनास्थळी धाव घेतली आणि पैशांची पाकिटं वाटमाऱ्या या महिलांना रंगेहात पकडत त्यांना जाब विचारला. शिवसेनेच्या पदाधिकाऱ्यांनी याबाबत निवडणूक अधिकाऱ्यांना तात्काळ माहिती दिली. या पाकिटांमध्ये तीन-तीन हजार रुपये भरण्यात आल्याचं सांगण्यात येतं. सध्या निवडणूक अधिकारी आणि पोलिस घटनास्थळी दाखल झाले असून पुढील तपास करत आहेत.

दरम्यान, भाजपचे माजी तालुकाध्यक्ष विजय केनवडेकर यांच्या घरावर काल निलेश राणे यांनी छापा टाकला होता. छाप्यात २५ लाखांची रक्कम सापडली होती. नितेश राणे विजय केनवडेकर यांच्या निवासस्थानी भेट देऊन पाहणी केली होती. नितेश राणे यांनी याबाबत प्रतिक्रिया देताना सांगितले होते की, 'आमचे स्वतःचे व्यवसाय पण असतात. स्वतःच्या व्यवसायासाठी घरात पैसे ठेवले तर त्यात चूक काय? आमच्या पक्षाची कोणी बदनामी करू नये. प्रत्येकाचे व्यवसाय आहेत. जो नियम आम्हाला लागतो. तो नियम सगळ्यांना लागणार.'