Pune : दिवाळीनंतर ट्रॅफिक जॅमने सर्व रेकॉर्ड मोडले! ४० किमी अंतरासाठी ४ तासांचा प्रवास; महामार्गांवर वाहनांची लांबलचक रांग

Pune : पुण्यातील ट्रॅफिक जॅमने सर्व रेकॉर्ड मोडले आहेत. दिवाळीच्या सुट्टीनंतर मोठ्या संख्येने लोक पुण्यात परत येत आहेत. यामुळे पुण्यात येणाऱ्या सर्व महामार्गांवर वाहने जागच्या जागी थांबल्याचे पहायला मिळाले,.  40 KM साठी 4 तासांचा प्रवास करावा लागला. अनेक ठिकाणी 10 KM  वाहनांच्या लांबच लांब रांगा लागल्या होत्या. हजारो वाहन चालक या वाहतूक कोंडीत अडकले होते. वाहतूक पोलिसांनी आधीच या वाहतूक कोंडीचा अलर्ट दिला होता.

नोकरी तसेच शिक्षणाच्या निमित्ताने संपूर्ण महाराष्ट्रातून तसेच भारतातील अनेक राज्यातील लोक पुण्यात वास्तव्यास आहेत. दिवाळी निमित्ताने अनेक जण आपल्या घरी गेले होते. दिवाळी संपल्यानंतर पुण्यात परतणाऱ्या वाहनांमुळे मोठी वाहतूक कोंजी झाली.  दिवाळी संपल्यानंतर पुण्यात वाहतुकीत लक्षणीय वाढ होण्याची शक्यता  पुणे वाहतूक पोलिसांनी वर्तवली होती. पुण्यातील प्रमुख महामार्गांवर संभाव्य गर्दीचा इशारा देखील देण्यात आला होता. 

Mumbai : वरळीत १९ हजार ३३३ मतदार गडबडीतले आहेत; निवडणुकीच्या तोंडावर आदित्य ठाकरेंनी मोठा बॉम्ब टाकला

पुणे राज्य महामार्ग पोलिस अधीक्षक, पिंपरी-चिंचवड वाहतूक आयुक्त आणि पुणे शहर वाहतूक उपायुक्त यांनी संयुक्तपणे एक निवदेन जारी केले होते.  24 ते 27 ऑक्टोबर दरम्यान वाहतूक कोंडीचा अलर्ट देण्यात आला होता. बेंगळुरू-मुंबई राष्ट्रीय महामार्ग (NH-48) कोल्हापुरातून मुंबई, नवी मुंबई, ठाणे आणि मीरा-भाईंदरच्या दिशेने वाहतूक कोंडी झाली होती.  नाशिक-पुणे राष्ट्रीय महामार्ग (एनएच-५०) नाशिक ते पुणे मार्गे चाकण या मार्गावर भयानक वाहतूक कोंडी जाली होती. सोलापूर-पुणे राष्ट्रीय महामार्ग (एनएच-६५) सोलापूरहून पुणे आणि आसपासच्या परिसराकडे येणाऱ्या मार्गावर वाहनांच्या 5 KM जास्त लांब रांग लागली होती.