Alwar Accident : देवदर्शनाहून येताना ट्रकने दुचाकीला चिरडलं, घराजवळ नवरा-बायकोचा जागीच मृत्यू

 

Rajasthan : राजस्थानच्या अलवर जिल्ह्यात अंगावर काटा आणणारी घटना घडली. देवदर्शनास गेलेल्या नवरा बायकोला भरधाव कारने धडक दिली. अपघातामध्ये दोघांचा जागीच मृत्यू झाला. ही घटना अलवर जिल्ह्यातील शिवाजी पार्क परिसरात सोमवारी रात्री घडली. देवदर्शन करून ते घरी परत येत होते. घराजवळ अवघ्या १०० मीटर अंतरावर त्यांच्या दुचाकीला कारने धडक दिली. अपघातामध्ये गंभीर जखमी झालेल्या दोघांचा मृत्यू झाला.

सतीश विजय (६२ वर्षे) आणि त्यांची पत्नी पिंकी विजय (५९ वर्षे) हे वृद्ध नवरा-बायको सोमवारी रात्री राजस्थानातील प्रसिद्ध असलेल्या त्रिपोलिया महादेव मंदिरातून देवदर्शन करून स्कुटीवरून परत येत होते. घरापासून १०० मीटर दूर पोहचले असता त्यांच्या दुचाकीला भरधाव कारने जोरदार धडक दिली. या अपघातामध्ये गंभीर जखमी झालेल्या दोघांचाही जागीच मृत्यू झाला.

Brahmagiri Hills : ब्रह्मगिरीवरून अचानक दगड कोसळले; नवविवाहित दाम्पत्य थोडक्यात बचावले. तिघेजण जखमी

प्रत्यक्षदर्शनींनी सांगितल्यानुसार , कारचालक मद्यधुंद अवस्थेत होता आणि त्याने सतीश विजय यांच्या दुचाकीला धडक देण्यापूर्वी आधी एका दुचाकीला धडक दिली होती. या भरधाव कारने सतीश विजय यांच्या दुचाकीला धडक दिली. त्यानंतर सतीश विजय आणि त्यांची पत्नी रस्त्यावर पडले. दुचाकीला धडक दिल्यानंतर या कारने खांब्याला धडक दिली आणि थांबली. घटनास्थळावर असलेल्या नागरिकांनी गंभीर जखमी झालेल्या सतीश आणि पिंकी यांना रुग्णालयात नेले पण उपचारापूर्वीच डॉक्टरांनी दोघांनाही मृत घोषित केले.

मृत सतीश विजय हे अकाउंटंट होते आणि ते अलवर येथील शिवाजी पार्कमध्ये त्यांच्या कुटुंबासह राहत होते. सतीश आणि पिंकी यांना दोन मुलं आहेत. त्यांच्या एका मुलीचे लग्न गुरुग्राममध्ये झाले आहे तर त्यांचा मुलगा रशियामध्ये वैद्यकीय शिक्षण घेत आहे. हे नवरा-बायको घरात एकटेच राहत होते. नेहमीप्रमाणे ते देवदर्शनासाठी मंदिरात जात होते. पण सोमवारी रात्री देवदर्शन घेऊन परत येत असताना काळाने त्यांच्यावर घाला घातला. ती रात्र त्यांच्या आयुष्यातील शेवटची रात्र ठरली.