Matheran : वीकेंडमुळे माथेरान पर्यटकांनी हाऊसफुल्ल! चढणीच्या रस्त्यावरच वाहनं अडकली; VIDEO

दरम्यान, माथेरान (Matheran) मार्गावर आज प्रचंड वाहतूक कोंडी झाली आहे.दस्तुरी पासून चांगभल मंदिरापर्यंत वाहनांच्या लांबच लांब रांगा लागल्या आहेत. दस्तुरी पासून तिसऱ्या वळणा पर्यंत वाहनांची रांग पोहोचली आहे. विकेंडसाठी माथेरानमध्ये पर्यटकांची मोठी गर्दी झाली आहे.

पर्यटकांच्या वाहनांमुळे वाहतुक कोंडी झाली आहे. तीव्र चढ असल्याने वाहने उभी करण्यात अडथळा निर्माण झाला आहे.वाहतूक कोंडीमुळे पर्यटकांचे हाल, प्रवासी संतापले आहेत.वाहने रस्त्यात सोडून पर्यटकांची पदयात्रा सुरु झाली आहे. पर्यटक चालत निघाले आहेत.प्रत्येक माथेरानच्या मार्गावर वाहतूक कोंडी होत आहे. या वाहतूक कोंडीला पर्यटक वैतागले आहेत.

पावसाळा सुरु झाला आहे. पावसाळ्यात माथेरानचे सौंदर्य अजूनच खुललं आहे. हिरव्यागार निसर्गरम्य ठिकाणी भेट देण्यासाठी अनेक पर्यटक जातात. पावसाळ्यात नेहमीच माथेरानला पर्यटकांची गर्दी असते. आजही ही गर्दी पाहायला मिळाली आहे. त्यामुळे मात्र, पर्यटकांना तासन् तास ताटकळत उभं राहावं लागत आहे. शेवटी पर्यटक कारमधून उतरुन चालत निघाले आहे.

माथेरानची राणी चार महिन्यासाठी बंद

माथेरानची राणी म्हणून ओळखली जाणारी टॉय ट्रेन चार महिन्यासाठी बंद असणार आहे. पावसाळ्यात ही ट्रेन बंद करण्याचा निर्णय घेतला आहे. परंतु या ठिकाणी शटल सेवा सुरु असणार आहे. तुम्हाला जर शटलने प्रवास करायचा असेल तर तुम्हाला आधीच वेळापत्रक पाहून जावे लागेल. नाहीतर तुम्हाला अडचणी येऊ शकतात.