Sharad Pawar : भाजपसोबत जाण्याची इच्छा नव्हती, नसणार; अजित पवारांच्या 'त्या' वक्तव्यावर शरद पवारांचं विधान

शरद पवारांनी अजित पवारांना काय प्रत्युत्तर दिलं?

अजित पवार म्हणाले होते की,'पहाटेच्या शपथविधीपूर्वी शरद पवार यांच्यासह आमची अमित शाह यांच्यासोबत बैठक झाली होती. भाजपसोबत जाण्याची निर्णय आम्ही घेतला होता. ऐनवेळी शरद पवारांनी शब्द फिरवला. मात्र, मी अमित शहा यांना दिलेला शब्द पाळला. त्यामुळे पहाटेच्या शपथविधी झाला, असा दावा अजित पवार यांनी केला आहे. त्याला शरद पवारांनी उत्तर दिले आहे. 'भाजपसोबत जाण्याचा आमची इच्छा नव्हती, आणि कधीही नसणार, असे पवारांनी सांगितले .

अहमदनगरमध्ये मविआ विरुद्ध महायुती अशी न राहता विखे विरुद्ध पवार अशी असल्याचे चित्र रंगवले जात असल्याबाबत शरद पवार यांना विचारले असता, मी काही अहमदनगरमधून निवडणूक अर्ज भरलेला नाही. उगीच स्वतःच महत्व वाढवण्यासाठी दुसऱ्याचे नाव घेणं हे काही शहाणपणाचे लक्षण नाही, असा टोला शरद पवारांनी सुजय विखेंना लगावला आहे.