पं. विजयशंकर मेहता यांचा कॉलम:योग आणि विज्ञानाचे संयुक्त‎ जीवन जगणे हीच बुद्धिमत्ता

महाभारतात अर्जुनाने रथाची सूत्रे श्रीकृष्ण यांच्या हाती दिली. त्यामुळे‎अर्जुन सुरक्षित राहिले आणि त्यांना विजयही मिळाला. अर्जुन भाग्यवान‎होते. कारण त्यांना ईश्वर प्रत्यक्ष दिसत होते. आपल्याला ईश्वर दिसणार‎नाहीत. तरीही आयुष्याचे स्टिअरिंग ईश्वराच्याच हातात आहे. काही‎दिवसांपूर्वी परदेश दौऱ्यावर असताना मला ‘टेस्ला''च्या ड्रायव्हरशिवाय‎चालणाऱ्या गाडीत बसण्याचा अनुभव मिळाला. तेव्हा मला अर्जुनाची‎आठवण झाली. गाडी कोण चालवत आहे हे दिसत नव्हते. तो अनुभव‎खूप सोयीचा आणि तितकाच रोमांचक होता. मनात एक अज्ञात भीतीही‎होती. पण मी निघालो आणि सुरक्षितपणे परत आलो. मला तंत्रज्ञानाचा‎आदर करायचा होता. पण तिथे मी अध्यात्माच्या दृष्टीने विचार करत‎होतो. हेच आयुष्याचे खरे सत्य आहे. जीवनाची गाडी चालवणारा‎चालक आपल्याला दिसत नाही, पण तो नक्की आहे. हीच ईश्वराची‎जाणीव आहे. आता तंत्रज्ञान खूप पुढे गेले आहे. मानवी शरीरावर अनेक‎प्रयोग होत आहेत. शरीरात शांततेने जगायचे असल्यास आत्म्याची‎जाणीव करून घ्यावीच लागेल. त्याचा उत्तम मार्ग योग आहे. योग आणि‎विज्ञानाचे संयुक्त जीवन जगणे हीच खरी बुद्धिमत्ता ठरेल.‎‎