रायगड हादरले! रसायनीतील खालापूर येथे घरात घुसून १३ वर्षीय अल्पवयीन मुलीवर अत्याचार; नराधम सचिन चव्हाण पोलिसांच्या जाळ्यात

खालापूर (रायगड): रायगड जिल्ह्यातील रसायनी परिसरातून एक अत्यंत संतापजनक आणि खळबजनक बातमी समोर आली आहे. रसायनीतील आळीअंबिवली परिसरात एका १३ वर्षीय अल्पवयीन मुलीवर घरात घुसून बळजबरीने अत्याचार करण्यात आल्याची लाजिरवाणी घटना घडली आहे. या गंभीर गुन्ह्यामुळे संपूर्ण परिसरात आणि जिल्ह्यात तीव्र संताप व्यक्त होत असून महिला सुरक्षा ऐरणीवर आली आहे.

मिळालेल्या सविस्तर माहितीनुसार, आरोपी सचिन चव्हाण असे या कृत

त करणाऱ्या नराधमाचे नाव आहे. आरोपी सचिन चव्हाण याने संधी साधून १३ वर्षीय पीडित अल्पवयीन मुलीच्या घरात बळजबरीने प्रवेश केला. त्यानंतर घरात कोणी नसताना त्याने मुलीवर अत्याचार केल्याचे समोर आले आहे. या घृणास्पद प्रकारानंतर पीडित मुलीने घडलेला सर्व प्रकार आपल्या कुटुंबीयांना सांगितला, ज्यामुळे कुटुंब व गावकऱ्यांना मोठा धक्का बसला.

या प्रकरणी तात्काळ पोलिसांत तक्रार दाखल करण्यात आली. पोलिसांनी प्रकरणाचे गांभीर्य लक्षात घेत तातडीने कारवाई करत आरोपी सचिन चव्हाण याला अटक केली आहे. पोलिसांनी त्याच्याविरुद्ध पॉक्सो (POCSO) कायद्यासह विविध गंभीर कलमांखाली गुन्हा दाखल केला असून, पोलीस या प्रकरणाचा अधिक सखोल तपास करत आहेत.