पुणे: कॉक्रोच जनता पार्टीच्या देशव्यापी आंदोलनामुळे पुण्याच्या वाहतुकीत मोठे बदल; नागरिकांसाठी महत्त्वाचे पर्यायी मार्ग जाहीर

पुणे: दिल्लीतील विद्यार्थी आंदोलनांच्या पार्श्वभूमीवर आणि शिक्षण व्यवस्थेतील विविध प्रश्नांवर केंद्र सरकारने जबाबदारी स्वीकारावी, तसेच केंद्रीय शिक्षण मंत्री धर्मेंद्र प्रधान यांनी आपल्या पदाचा राजीनामा द्यावा, या प्रमुख मागण्यांसाठी 'कॉक्रोच जनता पार्टी' (CJP) च्या वतीने पुण्यात एका भव्य मोर्चाचे व देशव्यापी आंदोलनाची हाक देण्यात आली आहे. या आंदोलनात मोठ्या संख्येने विद्यार्थी, तरुण आणि विविध सामाजिक संघटनांचे कार्यकर्ते एकत्र आल्यामुळे पुणे शहरातील वाहतूक व्यवस्थेवर मोठा ताण पडला असून, सुरक्षेच्या कारणास्तव पुणे शहर वाहतूक पोलिसांकडून शहरातील प्रमुख मार्गांवर तात्पुरते वाहतूक बदल करण्यात आले आहेत.

पोलिसांनी दिलेल्या सविस्तर माहितीनुसार, या नियोजित मोर्चा व आंदोलनाच्या अनुषंगाने आंदोलक ठिकठिकाणी एकत्र येणार असल्याने वाहतूक सुरळीत राहावी आणि सर्वसामान्यांना त्रास होऊ नये म्हणून वाहतूक विभागाने कठोर नियोजन केले आहे. आंदोलनादरम्यान वाहतूक कोंडी होऊ नये म्हणून पोलिसांनी नागरिकांना प्रभावित मार्ग टाळून पर्यायी मार्गांचा वापर करण्याचे आवाहन केले आहे. या देशव्यापी आंदोलनाच्या पार्श्वभूमीवर शहरात तणावमुक्त आणि सुरक्षित वातावरण राहावे यासाठी पुणे पोलिसांचा मोठा फौजफाटा तैनात करण्यात आला असून, आंदोलनावर बारीक लक्ष ठेवले जात आहे.

वाहतूक पोलिसांनी सोशल मीडियाच्या माध्यमातून नागरिकांना अधिकृत आवाहन केले आहे की, प्रवासाचे योग्य नियोजन करताना वाहतूक पोलिसांच्या सूचनांचे तंतोतंत पालन करावे आणि सहकार्य करावे. आंदोलनामुळे वाहतुकीत झालेल्या या बदलांमुळे वाहनचालकांना काही प्रमाणात मनस्ताप सहन करावा लागला असला, तरी कायदा व सुव्यवस्था अबाधित राखण्यासाठी प्रशासनाकडून सर्वतोपरी खबरदारी घेण्यात येत आहे.