Latur ZP Election Result : राज ठाकरेंच्या मनसेची लातूरमध्ये कमाल, २ शिलेदारांनी विजय आणला खेचून

राज्यात महापालिकेच्या रंगतदार निवडणुकांनंतर जिल्हा परिषदांच्या निवडणुकांसाठी चुरशीची लढत सुरु आहे. महापालिका निवडणुकांमध्ये मनसेला हार पत्करावी लागली मात्र जिल्हा परिषद निवडणुकांमध्ये मनसेला चांगला प्रतिसाद मिळताना पाहायला मिळतोय. लातूरमध्ये पानगाव पंचायत समितीतून मनसेने दोन खाती उघडली आहेत.

लातूरमध्ये ५९ जिल्हा परिषद निवडणुकांसाठी हायव्होल्टेज लढत सुरु होती. या लढतीत दोन ठिकाणी मनसेने बाजी मारली आहे. लातूरच्या पानगाव गटातून मनसेचे सुनील नागरगोजे विजयी झाले असून याच गटातून मनसेच्या उमेदवार श्रीदेवी गालफाडे विजयी झाल्या आहेत. तर लातूरमधील जळकोट तालुक्यातील माळीहिप्परगा जिल्हा परिषद गटात नागेश्वरी सचिन केंद्रे काँग्रेसच्या उमेदवार विजयी झाल्या आहेत. तसेच भाजपाला मोठा धक्का मिळाला आहे. जिल्हा परिषद निवडणुकीच्या शर्यतीत आता कोणाची बाजी असेल आणि कोणाची हार असेल हे पाहणं महत्त्वाचं ठरत आहे. दरम्यान लातूर मध्ये विजयोत्सव साजरा केला जात आहे.