Konkan Railway : कोकण रेल्वेची मोठी घोषणा! नाताळ-नवीन वर्षानिमित्त विशेष गाड्या सुरू; प्रवाशांसाठी खास भेट

Mumbai : कोकण रेल्वेच्या प्रवाशांसाठी एक आनंदाची बातमी आहे. नाताळ आणि नवीन वर्षाच्या पार्श्वभूमीवर कोकण रेल्वेकडून विशेष गाड्या सोडण्यात येणार आहेत. त्यामुळे सणासुदीच्या काळात प्रवाशांना गर्दीचा सामना करावा लागणार नाही. मात्र, या विशेष गाड्यांसाठी प्रवाशांकडून अतिरिक्त भाडे आकारले जाणार आहे. जाणून घेऊया या गाड्या कुठून कुठपर्यंत धावणार आहेत आणि त्यांचे वेळापत्रक काय आहे.

नाताळ आणि नवीन वर्षानिमित्त कोकण रेल्वे मार्गावर मध्य प्रदेश,छत्तीसगड, गोवा आणि कर्नाटककडे जाणाऱ्या विशेष गाड्या सोडण्यात येणार आहेत. कोकण रेल्वे आणि पश्चिम रेल्वेच्या समन्वयाने मध्य प्रदेशातील डॉ. आंबेडकर नगर ते कर्नाटकातील ठोकूर दरम्यान विशेष रेल्वेगाडी चालवली जाणार आहे. या गाड्याांना महाराष्ट्रात वसई रोड, भिवंडी रोड, पनवेल, रोहा, मानगाव, खेड, चिपळूण, रत्नागिरी, राजापूर रोड, वैभववाडी, कनकवली, सिंधुदुर्ग, कुडाळ आणि सावंतवाडी स्थानकांवर थांबे देण्यात आले आहेत.

Pimpri Chinchwad : भाजपला धक्का! निवडणुका जाहीर होताच दिग्गज नेते अजित पवारांच्या राष्ट्रवादीत दाखल

गाडी क्रमांक 09304 मध्य प्रदेशातील डॉ. आंबेडकर नगर ते कर्नाटकातील ठोकूर विशेष गाडी 21 आणि 28 डिसेंबर रोजी डॉ. आंबेडकर नगर येथून दुपारी 4.30 वाजता सुटेल. ही गाडी तिसऱ्या दिवशी रात्री 3 वाजता ठोकूर येथे पोहोचेल. त्याचप्रमाणे गाडी क्रमांक 09303 ठोकूर–डॉ. आंबेडकर नगर विशेष गाडी 23 आणि 30 डिसेंबर रोजी ठोकूर येथून पहाटे 4.45 वाजता सुटेल आणि दुसऱ्या दिवशी दुपारी 3.30 वाजता डॉ. आंबेडकर नगर येथे पोहोचेल.

याशिवाय कोकण रेल्वे आणि दक्षिण पूर्व मध्य रेल्वेच्या सहकार्याने छत्तीसगडमधील बिलासपूर ते गोव्यातील मडगाव दरम्यानही विशेष गाडी चालवली जाणार आहे. गाडी क्रमांक 08241 बिलासपूर–मडगाव एक्स्प्रेस 20 व 27 डिसेंबर तसेच 3 व 10 जानेवारी रोजी दुपारी 2.45 वाजता बिलासपूरहून सुटेल. ही गाडी तिसऱ्या दिवशी रात्री 2.15 वाजता मडगाव येथे पोहोचेल. तर गाडी क्रमांक 08242 मडगाव–बिलासपूर एक्स्प्रेस 22 व 29 डिसेंबर तसेच 5 व 12 जानेवारी रोजी मडगाव जंक्शनहून पहाटे 5.30 वाजता सुटेल आणि दुसऱ्या दिवशी दुपारी 4 वाजता बिलासपूर येथे पोहोचेल.

या सर्व विशेष गाड्या 18 डब्यांच्या असतील. या गाड्यांचे बुकींग आयआरसीटीसीच्या वेबसाईटवरून करता येणार असून, विशेष गाड्या असल्याने प्रवाशांकडून अतिरिक्त भाडे आकारले जाणार आहे.