भररस्त्यात हायव्होल्टेज ड्रामा..! पौड घाटात विवस्त्र तरुणाचा धिंगाणा.

पुणे: पुण्यातील पौड घाट परिसरात शनिवारी सकाळी एका विवस्त्र तरुणाने गोंधळ घातल्याची धक्कादायक घटना समोर आली आहे. या प्रकारामुळे परिसरात काही काळ तणावाचे आणि गोंधळाचे वातावरण निर्माण झाले होते.

नेमकी घटना काय? मिळालेल्या माहितीनुसार, शनिवारी सकाळी पौड घाट परिसरात अचानक एक तरुण पूर्णपणे विवस्त्र अवस्थेत रस्त्यावर आला. या तरुणाने रस्त्याच्या मध्ये उभे राहून विचित्र हालचाली करण्यास सुरुवात केली, ज्यामुळे वाहतुकीची मोठी कोंडी झाली. काही वेळातच या तरुणाने रस्त्यावरून जाणाऱ्या वाहनचालकांशी हुज्जत घालण्यास सुरुवात केली आणि आरडाओरडा करत धिंगाणा घातला.

नागरिकांमध्ये भीतीचे वातावरण: भररस्त्यात सुरू असलेल्या या हायव्होल्टेज ड्रामुळे प्रवाशांमध्ये भीतीचे वातावरण पसरले होते. अनेक वाहनचालकांनी घाबरून आपली वाहने दूर थांबवली. काही स्थानिक नागरिकांनी या प्रकाराची माहिती तातडीने स्थानिक पोलिसांना दिली. पोलीस घटनास्थळी दाखल झाल्यानंतर परिस्थिती नियंत्रणात आणली.

सध्या या तरुणाचे नेमके हेतू काय होते आणि तो विवस्त्र अवस्थेत का होता, याचा तपास पोलीस करत आहेत. या प्रकारामुळे पर्यटकांच्या आणि स्थानिक नागरिकांच्या सुरक्षेचा प्रश्न पुन्हा एकदा ऐरणीवर आला आहे.