Exam Stress Horror: NEET Aspirant Jumps to Death in Ahmedabad Just 3 Days Before Re-Test

अहमदाबाद: नॅशनल एलिजिबिलिटी कम एन्ट्रन्स टेस्ट (NEET) वैद्यकीय प्रवेश परीक्षेभोवती सुरू असलेला वाद आणि वाढत्या मानसिक तणावातून आणखी एका तरुण विद्यार्थ्याने आपले जीवन संपवल्याची धक्कादायक आणि अत्यंत दुःखद घटना समोर आली आहे. गुजरातच्या अहमदाबादमधील न्यू राणिप (New Ranip) परिसरात राहणाऱ्या कहन पटेल या १८ वर्षीय विद्यार्थ्याने २१ जून रोजी होणाऱ्या बहुप्रतीक्षित 'NEET पुनर्रिक्षेच्या' (Re-test) अवघ्या तीन दिवसांआधी इमारतीवरून उडी मारून आत्महत्या केली आहे.

अचानक उचलले टोकाचे पाऊल:

मिळालेल्या प्राथमिक माहितीनुसार, कहन पटेल हा आगामी वैद्यकीय प्रवेश परीक्षेची (NEET) जय्यत तयारी करत होता. परीक्षा घोटाळा आणि पेपर लीकच्या वादामुळे जाहीर झालेल्या पुनर्रिक्षेमुळे अनेक विद्यार्थ्यांप्रमाणेच तो देखील प्रचंड मानसिक दबावाखाली असण्याची शक्यता वर्तवली जात आहे. गुरुवारी त्याने राहत्या इमारतीच्या बाल्कनीमधून थेट खाली उडी मारली. उडी मारल्यानंतर त्याला गंभीर अंतर्गत दुखापती झाल्या, ज्यामध्ये त्याचा दुर्दैवी मृत्यू झाला.

तणावाचे ढग आणि विद्यार्थ्यांची मनस्थिती:

घटनेची माहिती मिळताच स्थानिक पोलिसांनी घटनास्थळी धाव घेऊन मृतदेह शवविच्छेदनासाठी पाठवला आहे. कहनने ही आत्महत्येसारखे टोकाचे पाऊल नेमके का उचलले, याबाबत अद्याप कोणतीही सुसाईड नोट पोलिसांना मिळालेली नाही. मात्र, देशात सध्या नीट (NEET) परीक्षेच्या अनिश्चिततेमुळे निर्माण झालेल्या अभूतपूर्व मानसिक आणि शैक्षणिक दबावाचा हा बळी असल्याचे बोलले जात आहे. पोलीस या प्रकरणाचा सर्व बाजूंनी अधिक तपास करत आहेत.