Eknath Shinde : 'हा फक्त ट्रेलर, पिक्चर अभी बाकी...' देवरांच्या पक्षप्रवेशानंतर CM शिंदेंचा इशारा; ठाकरेंवर प्रहार

Eknath Shinde : आजपासून कॉंग्रेस नेते राहुल गांधी यांच्या भारत जोडो न्याय यात्रेला सुरूवात होत आहे. अशातच महाराष्ट्रात कॉंग्रेसला मोठा धक्का बसला असून ५६ वर्ष कॉंग्रेससोबत असलेले नेते, माजी मंत्री मिलिंद देवरा यांनी पक्षाला रामराम ठोकला आहे.

 मिलिंद देवरा यांनी मुख्यमंत्री एकनाथ शिंदेंच्या उपस्थितीत शिवसेना शिंदे गटात प्रवेश केला. मुख्यमंत्र्यांच्या वर्षा या निवासस्थानी हा पक्षप्रवेश सोहळा पार पडला. यावेळी बोलताना मुख्यमंत्र्यांनी उद्धव ठाकरेंवर निशाणा साधत जोरदार फटकेबाजी केली.

Akola Breaking News : नमो चषकादरम्यान प्रेक्षक गॅलरी कोसळली, 70 हून अधिक प्रेक्षक जखमी

काय म्हणाले एकनाथ शिंदे?

"मिलिंद देवरा  हे सपत्नीक आले आहेत. कुठल्याही पुरूषाच्या मागे महिलांची ताकद आहे. आपण ज्या भावना व्यक्त करत होतात. एका वर्षापूर्वी माझाही मनात त्याच भावना होत्या. मी ज्यावेळी निर्णय घेतला त्यावेळी श्रीकांतच्या आईला विश्वासात घेतलं. मी ही दीड वर्षापूर्वी डाॅक्टर नसताना एक ऑपरेशन केलं साधा टाकाही बसला नाही," असा टोला शिंदेंनी लगावला.

हा फक्त ट्रेलर, चित्रपट अभी बाकी...

"तुम्ही म्हणालात की काही प्रमुख नेत्याचा प्रवेश होईल, हा तर ट्रेलर आहे चित्रपट अभी बाकी आहे. माझा डिप क्लिन ड्राईवर अनेक टिका करतात, हे चहलचं (मुंबई आयुक्त, इक्बालसिंह चहल) काम आहे असं म्हणतात, मात्र मी गेल्याने चहलही पाण्याचा पाईप हातात धरतात," असा चिमटाही मुख्यमंत्र्यांनी (Eknath Shinde) काढला.

ठाकरेंवर घणाघात..

"काही लोकं श्रीकांतच्या मतदार संघात गेले. यांना साफ करा म्हणतात, बाहेर पडणाऱ्यांना कोण साफ करत नाही, घरी बसणाऱ्यांना साफ करतात. मी दीड वर्षात एकही सुट्टी घेतली नाही, गावी गेलो तरी शेती करतो, काही जण बोलतात, शेतकरी हॅलिकाॅप्टरने कसा जातो. मी जातो शेती करतो, फोटोग्राफी नाही करत," असा टोलाही उद्धव ठाकरेंना यावेळी लगावला. तसेच जितके आमच्यावर बोलतील तितके खड्यात जातील, असेही ते म्हणाले.