Crime News : वाशीतील प्रसिद्ध मॉलमधील स्पामध्ये सुरु होतं भलतंच काम; पोलिसांनी धाड टाकली अन्...

Crime News : वाशी येथील एका प्रसिद्ध मॉलमध्ये सुरु असलेल्या वेश्याव्यवसायाचा पोलिसांना पर्दाफाश केला आहे. याप्रकरणी पोलिसांनी एका ४० वर्षीय महिलेला अटक केली आहे. वाशीतील मॉलमध्ये असलेल्या स्पामध्ये हा वेश्याव्यवसाय सुरू होता.

पोलिसांना याबाबत एक गुप्त माहिती मिळाली होती. या माहितीच्या आधारे पोलिसांनी मंगळवारी संध्याकाळी या मॉलमध्ये सापळा रचून कारवाई केली. सर्वात आधी स्पामध्ये नेमकं काय सुरु आहे, हे समजून घेण्यासाठी पोलिसांनी एकाला ग्राहक म्हणून या स्पामध्ये पाठवले. त्यावेळी येथे दोन तरुणी आढळल्या ज्यांना देहव्यापार करण्यासाठी भाग पाडलं जात होतं. टाईम्स ऑफ इंडियाने याबाबतचं वृत्त प्रसिद्ध केलं आहे. 

Sharad Pawar : शरद पवारांचं ठरलं! रायगडावरुन वाजणार लोकसभेची 'तुतारी'; नव्या चिन्हाच्या लॉन्चिंगसाठी खास सोहळा

पोलिसांनी पाठवलेल्या बनावट ग्राहाकाने आता जाऊन रेकी केल्यानंतर नवी मुंबई पोलिसांनी या स्पावर धाड टाकली. नवी मुंबई मानवी तस्करी विरोधी सेलच्या पोलिसांनी याबाबत सांगितलं की, या कारवाईत आरोपी महिलेला अटक करण्यात आलं आहे. तर दोन तरुणींची सुटका करुन त्यांना रेस्क्यू होममध्ये पाठवण्यात आले आहे. 

पोलिसांनी आरोपी महिलेविरुद्ध भारतीय दंड संहिता अंतर्गत मानवी तस्करी केल्याप्रकरणी कलम 370 आणि 506 कायद्याच्या तरतुदींनुसार गुन्हा दाखल केला आहे. पोलीस या प्रकरणी अधिक तपास करत आहेत.