Bangladesh Unrest : जमावाकडून हिंदू तरुणाची हत्या; मृतदेह झाडाला बांधून ठेवला, बांगलादेशातील भीषण घटनेने खळबळ

Bangladesh Unrest : बांग्लादेशात एका हिंदू व्यक्तीला ईशनिंदेच्या ((ईश्वराविषयी किंवा पवित्र गोष्टींविषयी निंदात्मक बोलणे)) आरोपावरून जमावाने बेदम मारहाण करून ठार मारले. ही धक्कादायक घटना गुरुवारी रात्री मैमनसिंह जिल्ह्यात घडली. मृत व्यक्तीचे नाव दीपू चंद्र दास असून, तो एका कपड्याच्या फॅक्टरीत नोकरी करत होता. पोलिसांनी दिलेल्या माहितीनुसार, स्थानिक लोकांनी दीपूवर पैगंबर मोहम्मद यांच्याबद्दल अपमानास्पद विधान केल्याचा आरोप केला होता. यूनुस सरकार आल्यापासून बांगलादेशमध्ये हिंदू समुदायाविरोधातील अनेक घटना समोर येत आहे. अनेक हिंदू व्यक्तींची हत्त्याही झाल्या आहेत.

मृतदेह झाडाला बांधला अन्...
बांगलादेशातील बंगाली मिडिया आउटलेट बार्टा बाजारने सांगितले की, दीपूवर विश्व अरबी भाषा दिवसाच्या निमित्ताने फॅक्टरीमध्ये आयोजित कार्यक्रमात इस्लाम आणि मोहम्मद पैगंबर यांच्याविषयी अपमानास्पद विधान केल्याचा आरोप करण्यात आला. अधिकाऱ्यांनी सांगितले की, रात्री 9 वाजात जमावाने त्याच्यावर हल्ला केला आणि त्याला इतके मारले की त्याचा जागीच मृत्यू झाला. इतकेच नाही, तर जमावाने त्याच्या मृतदेहाला झाडाला बांधून आग लावली. पोलिसांनी घटनास्थळी पोहोचून परिस्थिती नियंत्रणात आणली आणि मृतदेह ताब्यात घेतला. दीपूच्या मृतदेहाचे शवविच्छेदन करण्यासाठी मैमनसिंह मेडिकल कॉलेज हॉस्पिटलमध्ये पाठवण्यात आले आहे.

Rajdhani Express Accident : राजधानी एक्सप्रेस हत्तींच्या कळपाला धडकली; इंजिन आणि ५ डब्बे रेल्वेवरून घसरले

अतिशय धक्कादायक बाब म्हणजे, या अमानुष हत्येनंतरही पोलिसांनी अद्याप कोणताही गुन्हा दाखल केलेला नाही. पोलीस कुटुंबीयांचा शोध घेत आहेत आणि त्यांच्या तक्रारीनंतरच पुढील कायदेशीर कारवाई केली जाईल, असे त्यांचे म्हणणे आहे.

ही जमावाने केलल्या हत्येची घटना अशा वेळी घडली आहे, जेव्हा बांग्लादेशमध्ये शेख हसीना यांच्या विरोधात आंदोलन करणाऱ्या, भारताविरोधी एका प्रमुख नेत्याच्या मृत्यूमुळे मोठ्या प्रमाणावर हिंसाचार सुरू आहे. इंकलाब मंचचे प्रवक्ता शरीफ उस्मान हादी यांचे सिंगापूरमध्ये निधन झाले. 12 डिसेंबर रोजी ढाका येथे दुचाकीवरून आलेल्या हल्लेखोरांनी त्यांना गोळ्या घातल्या होत्या. त्यांना एअर एम्ब्युलन्सने सिंगापूरला उपचारासाठी नेण्यात आले होते, जिथे उपचारादरम्यान त्यांचा मृत्यू झाला. या घटनेनंतर बांग्लादेशमध्ये तणावाचे वातावरण आहे.