America Iran Clash : युद्धाचा सर्वात मोठा भडका, अमेरिका गुपचूप करतेय मोठा प्लॅन; गुपित फुटल्याने जगात खळबळ!

America Iran War : सध्या जागतिक पातळीवर अनेक घडामोडी घडत आहेत. अमेरिका आणि इस्रायल यांच्यात सध्या तणावाची स्थिती आहे. या दोन्ही देशांकडून एकमेकांना थेट धमकी दिली जात आहे. अमेरिकेने हल्ला केल्यास आम्ही जशास तसे प्रत्युत्तर देऊ, असे इराणने अनेकवेळा बोलून दाखवलेले आहे. तर दुसरीकडे अमेरिकेनेदेखील अनेकवेळा इराणला खुले आव्हान दिलेले आहे. असे अतानाच आता जगाची चिंता वाढवणारी माहिती समोर आली आहे. मिळालेल्या माहितीनुसार अमेरिकेने मध्य पूर्वेतील आपल्या लष्करी तळावर युद्धाची तयारी सुरु केली आहे. अमेरिकेने अनेक शस्त्र तयार ठेवले आहेत. अमेरिकेच्या या तयारीचे काही फोटो समोर आले आहेत.

अमेरिकन लष्करी तळावर मोठ्या हालचाली

मिळालेल्या माहितीनुसार अमेरिकेने मध्य पूर्वेतील 4 लष्करी तळावर विमानं तसेच अन्य सैन्य उपकरणं तैनात केले आहे. इराणसोबत तणाव वाढत असताना अमेरिकेने हा निर्णय घेतल्याचे समोर आले आहे. नुकतेच या लष्करी तळाचे जानेवारी आणि फेब्रुवारी महिन्यातील सॅटेलाटईट फोटो समोर आले आहेत. याच फोटोंमध्ये अमेरिकेने केलेली तयारी दिसत आहे. कतारमधील अल उदीद या लष्करी तळावर अमेरिकेने आरसी-135, तीन सी-130 हर्क्यूलीस, 18 केसी-135 स्ट्रॅटोटँकर आणि सात सी-17 तैनात केल्याचे या फोटोंमध्ये दिसत आहे. याच लष्करी तळावर जानेवारी महिन्यात अगोदर फक्त 14 स्ट्रॅटोटँकर आणि सी-17 तैनात करण्यात आले होते.

मुआफक तळावरही विमानं तैनात

दुसरीकडे जॉर्डनमधील मुआफक नवाच्या लष्करी तळावरदेखील अमेरिकेने 17 एफ-15 ई स्ट्राइक, 8 ए-10 थंडरबोल्ट, चार C-130 आणि चार हेलिकॉप्टर तैनात केले आहेत. दुसऱ्या एका ठिकाणावर एक सी-17, एक सी-130 आणि चार ईए-18जी ग्रॉव्हलर इलेक्ट्रॉनिक वॉरफेअर विमानं तैनात करण्यात आली आहेत.

आम्ही अमेरिकेचे लष्करी तळ उद्ध्वस्त करू

दरम्यान, अमेरिका आणि इराण यांच्यात तणाव कमी करण्यासाठी चर्चा होत आहे. युद्ध टाळता यावे यासाठी ही चर्चा केली जात आहे. असे असताना दुसरीकडे अमेरिकेने ही तयारी चालू केली आहे. इराणनेदेखील अमेरिकेने आमच्यावर हल्ला केल्यास आम्ही अमेरिकेची काही लष्करी तळं उद्ध्वस्त करू, असा इशाराच दिला आहे. त्यामुळे भविष्यात काय होणार, याकडे सर्वांचेच लक्ष लागले आहे.