336 दिवसांसाठी जिओचा ‘हा’ रिचार्ज प्लॅन तुम्हाला देईल अनेक फायदे, जाणून घ्या किंमत

वाढत्या रिचार्ज प्लॅनच्या किंमतीत लक्षात घेता जिओ कंपनीने मात्र या 336 दिवसांच्या वैधता असलेला स्वस्त रिचार्ज प्लॅन ग्राहकांच व रिलायन्स जिओ प्रीपेड सिम वापरकर्त्यांच लक्ष वेधून घेत आहे. कारण 336 दिवसांचा दीर्घ वैधता असलेल्या या प्लॅनची किंमत फक्त 1हजार 748 रूपये आहे. या स्वस्त प्लॅनमध्ये तुम्हाला कोण-कोणत्या अतिरिक्त फायदे मिळणार आहेत. ते आपण आजच्या लेखात जाणून घेऊयात.

जिओच्या या रिचार्ज प्लॅनमध्ये तुम्हाला कंपनीकडून अमर्यादित व्हॉइस कॉलिंगचे फायदे मिळणार आहेत. शिवाय या प्लॅनमध्ये 3600 एसएमएस देखील आहे. तथापि हे लक्षात ठेवणे महत्त्वाचे आहे की या प्लॅनमध्ये तुम्हाला डेटा बेनिफिट्स मिळणार नाहीत. याचा अर्थ असा की जर तुम्हाला जर डेटाची आवश्यकता नसेल आणि तुम्हाला फक्त कॉलिंग व एसएमएस पुरता आणि दीर्घ वैधतेचे फायदे हवे असतील तर तुम्हाला हा प्लॅन उपयुक्त ठरू शकतो.

या प्रीपेड प्लॅनमध्ये काही अतिरिक्त फायदे देखील आहेत, जसे की 1,748 रुपयांमध्ये जिओ टीव्ही आणि जिओ एआय क्लाउडचा मोफत प्रवेश तुम्हाला यात मिळणार आहे. हा प्लॅन फक्त व्हॉइस-ऑनली आहे, त्यामुळे त्यात डेटा बेनिफिट्सचा कोणताही समावेश नाही. तुम्हाला हा प्लॅन कंपनीच्या अधिकृत वेबसाइटवरील व्हॅल्यू सेक्शनमध्ये मिळेल. तसेच हा प्लॅन MyJio अॅपच्या व्हॅल्यू सेक्शनमध्ये देखील उपलब्ध आहे.

1,748 रुपयांच्या प्लॅन व्यतिरिक्त कंपनी 448 रुपयांचा व्हॉइस प्लॅन देखील देते ज्याची वैधता 84 दिवसांची आहे. या प्लॅनमध्ये अमर्यादित व्हॉइस कॉलिंग आणि 1000 एसएमएस मिळतात. दोन्ही प्लॅनसाठी अतिरिक्त फायदे समान आहेत.

एअरटेलकडेही असा प्लॅन आहे का?

एअरटेलकडे 1,748 रुपयांचा प्लॅन नाही, परंतु ते वापरकर्त्यांना 1,729 रुपये आणि 1,798 रुपयांचे प्लॅन ऑफर करतात. हे दोन्ही प्लॅन 84 दिवसांच्या वैधतेसह येतात. हे लक्षात घेण्यासारखे आहे की या प्लॅनमध्ये डेटा बेनिफिट्स देखील मिळतात.