रुबल नागी यांना ग्लोबल टिचर पुरस्कार, तब्बल 1 मिलियन डॉलरचे पारितोषिक

Rouble Nagi : भारतातील प्रसिद्ध सामाजिक कार्यकर्त्या आणि शिक्षण क्षेत्रात उल्लेखनीय काम शिक्षका रुबल नागी यांचा GEMS Education Global Teacher Prize 2026 या पारितोषकाने सन्मान करण्यात आला आहे. या पारितोषकाअंतर्गत त्यांना तब्बल 1 मिलियन डॉलर (साधारण 8 कोटी रुपये) मिळणार आहेत. शिक्षण क्षेत्रात दिला जाणारा हा जगातील सर्वात मोठा जागतिक पुरस्कार आहे. हा पुरस्कार Varkey Foundation तर्फे UNESCO च्या सहकार्याने दिला जातो.

800 पेक्षा जास्त लर्निंग सेंटर्सची स्थापना

दुबईमध्ये वर्ल्ड गव्हर्नमेंट्स समिट आयोजित करण्यात आली होती. या समिटमध्ये जागतिक नेते आणि प्रभावी धोरणकर्ते सहभागी होतात. याच समिटमध्ये हा पुरस्कार प्रदान करण्यात आला. नागी या गेल्या दोन दशकांपासून शिक्षण क्षेत्रात भरीव असे काम करत आहेत. त्यांनी पारंपरिक शिकवणी पद्धतीला पर्याय म्हणून विद्यार्थीभीमूख शिकवण्याची पद्धत सुरू केली. रुबल नागी यांची रुबल नागी आर्ट फाऊंडेशन नावाची एक संस्था आहे. याच संस्थेमार्फत त्यांचे शिक्षण क्षेत्रात हे काम चालते. रुबल नागी यांनी साधारण 100 पेक्षा जास्त वंचित समूदायांमध्ये 800 पेक्षा जास्त लर्निंग सेंटर्सची स्थापना केलाली आहे.

लर्निंग सेंटर कसे काम करते?

जी मुलं शाळेत जाणे शक्य होत नाही किंवा ते काही कारणांमुळे शाळेत जाऊ शकत नाहीत, अशा मुलांना शिकवण्याचे काम या लर्निंग सेंटरमधून केले जाते. विद्यार्थी ज्या ठिकाणी आहेत, तिथे जाऊन त्यांना शैक्षणिक, सामाजिक, आर्थिक स्तरावर मदत करणे हा आमचा उद्देश आहे, असे नागी यांनी सांगितले आहे.

मुलं पुन्हा शिक्षणाच्या प्रवाहात आली

जी मुलं शाळेत जाऊ शकत नाही, त्यांच्यासाठी त्यांनी शिक्षणाची खास व्यवस्था केली. झोपडपट्टी, छोट्या गल्ल्यांमध्ये जाऊन त्यांनी भिंतीवरच मुळाक्षरं, गणित, विज्ञान, इतिहासाची चित्रं काढली. त्यामुळे त्या भागातील मुलं खेळत खेळत अभ्यास करतात. या उपक्रमामुळे मुलांना शिक्षणाची गोडी लागली. तसेच शिक्षणाच्या प्रवाहातून दूर फेकले गेलेली मुलं पुन्हा एकदा शिक्षण घेऊ लागली. त्यांच्या याच कार्याचा आता गौरव करण्यात आल आहे. हा पुरस्कार मिळाल्यानंतर त्यांचे सर्व स्तरातून स्वागत केले जात आहे.