दादा माफ करा, मला मरायचं नव्हतं…, शिक्षकाने आयुष्य संपवलं, व्हिडिओसह ४ पानी सुसाइड नोट

व्हायरल व्हिडिओमध्ये मृत शिक्षकांची व्यथा स्पष्टपणे दिसून येते. अत्यंत भावनिक होत त्यांनी म्हटले आहे, दादा मला माफ करा. मला मरायचे नव्हते. मला माझी बायको आणि मुल बाळांसाठी जगायचे होते, पण मला मरायला भाग पाडले गेले. माझे 16 लाख रुपये बुडाले. कृष्ण मोहन सिंह यांनी आरोप केला आहे की, शिक्षण विभागातील नोकरी आणि इतर कामांसाठी त्यांनी देवरिया येथील शिक्षण विभागातील अधिकाऱ्यांना आणि बाबूंना पत्नीचे दागिने गहाण ठेवून आणि बँकेतून कर्ज काढून तब्बल 16 लाख रुपये दिले होते. मात्र काम न झाल्याने आणि पैसे परत न मिळाल्याने ते मानसिकदृष्ट्या खचले होते.