काळजी फक्त रोहित पवारांनाच आहे असं नाही; प्रवीण दरेकरांचं मोठं विधान

अजित पवारांच्या अपघाताप्रकरणी राष्ट्रवादी काँग्रेसचे नेते रोहित पवार यांनी केंद्रीय गृहमंत्री अमित शहांना पत्र लिहून सखोल चौकशीची मागणी केली आहे. रोहित पवारांनी विमान अपघाताची व्यापक आणि स्वतंत्र चौकशी व्हावी अशी भूमिका घेतली आहे. त्यांनी अमित शहांची भेट घेण्याचा प्रयत्न केला होता, मात्र संसदीय अधिवेशनामुळे त्यांना वेळ मिळू शकला नाही असे म्हटले आहे. तसेच, नागरिक उड्डाण महासंचालनालयाने (DGCA) भेट नाकारल्याबद्दलही त्यांनी आश्चर्य व्यक्त केले आहे. तपासाची गती अपेक्षेप्रमाणे नसल्याचे रोहित पवारांनी आपल्या फेसबुक पोस्टमध्ये नमूद केले आहे.

यावर भाजपा नेते प्रवीण दरेकर यांनी प्रतिक्रिया दिली आहे. “काळजी फक्त रोहित पवारांनाच आहे असं नाही,” असे दरेकर म्हणाले. अजित पवारांच्या अपघाती निधनाचे कुणीही राजकारण करू नये अशी नम्र विनंती त्यांनी केली. रोहित पवारांच्या पत्राची दखल घेतली जाईल आणि आवश्यक त्या उपाययोजना केल्या जातील अशी ग्वाहीही दरेकरांनी दिली. तपास यंत्रणा त्यांचे काम योग्य रितीने करतील असेही त्यांनी स्पष्ट केले.