पं. विजयशंकर मेहता यांचा कॉलम:कुटुंब संस्थेच्या हितासाठी विवाहाबाबत गंभीर राहा

विवाह संस्थेवर हळूहळू हल्ले वाढत आहेत. भविष्यात कुटुंबाला याची मोठी किंमत मोजावी लागेल. काही सरकारे ‘लिव्ह-इन रिलेशनशिप’ला कायद्याच्या कक्षेत आणून तिला पाठिंबा देत आहेत. एका छताखाली विवाहाशिवाय स्त्री-पुरुषांनी पती-पत्नीसारखे राहणे, हा कायदेशीर विषय असू शकतो, पण यामुळे विवाह संस्थेची नैतिकता नक्कीच दुखावली जाईल. एक आकडेवारी धक्कादायक आहे की, ॲरेंज मॅरेज 25 % ने घटली आहेत आणि लव्ह मॅरेजचे प्रमाण वाढले आहे. दुसरी आकडेवारी समोर येते की, साखरपुडा व लग्नातील काळ जर 6 महिन्यांपेक्षा जास्त असेल, तर 70 % नातेसंबंध एकतर तुटतात किंवा त्यात दुरावा निर्माण होतो. तरुणांनी एकमेकांच्या आवडीनुसार विवाह करावा, यावर टीका करण्याचे काहीच कारण नाही. माता सीतेने प्रभू रामांना लग्नापूर्वी वाटिकेत पाहिले होते व त्यांना पसंती दिली होती. रुक्मिणीने श्रीकृष्णांना लग्नासाठी निमंत्रण दिले होते, परंतु या घटनांमध्ये विवाह संस्थेचा मान राखला गेला होता, जो आपल्या कुटुंबासाठी अत्यंत आवश्यक आहे.