Pune : सिंहगड रस्ता भागात वैमनस्यातून युवकावर कोयत्याने वार, गणेशोत्सव मिरवणुकीतील वाद; तीन अल्पवयीन ताब्यात

Pune : गणेशोत्सवातील मिरवणुकीत झालेल्या वादातून युवकावर कोयत्याने वार करून खून करण्यात आल्याची धक्कादायक घटना सिंहगड रस्ता भागातील वडगाव बुद्रुक परिसरात घडली. याप्रकरणी सिंहगड रस्ता पोलिसांनी तीन अल्पवयीनांना ताब्यात घेतले आहे. हडपसर भागातील रामटेकडी परिसरात वैमनस्यातून महाविद्यालयीन युवकाचा भर रस्त्यात खून करण्यात आल्याची घटना मंगळवारी घडली. वैमनस्यातून शहरात दुसरा खून झाल्याने खळबळ उडाली आहे.

श्रीपत अनंत बनकर (वय १७, निवृत्तीनगर, वडगाव बुद्रक) असे खून झालेल्या युवकाचे नाव आहे. याप्रकरणी गुन्हा दाखल करण्यात आला असून तीन अल्पवयीनांना ताब्यात घेतले आहे. पोलिसांनी दिलेल्या माहितीनुसार, श्रीपत बनकर आणि अल्पवयीन मुले निवृत्तीनगर भागात राहायला आहेत. गणेशोत्सव विसर्जन मिरवणुकीत श्रीपत आणि अल्पवयीनांमध्ये वाद झाला होता. तेव्हापासून अल्पवयीन मुले त्याच्यावर चिडून होती. मंगळवारी रात्री अकरा वाजण्याच्या सुमारास श्रीपत मित्रासोबत दुचाकीवरुन निघाला होता. त्यावेळी तीन अल्पवयीन चरवड वस्ती भागातून निघाले होते.

Maharashtra Politics : महायुतीचं अखेर ठरलं! देवेंद्र फडणवीस मुख्यमंत्री, तर एकनाथ शिंदे आणि अजित पवार होणार उपमुख्यमंत्री

अल्पवयीनांनी हाक मारुन श्रीपतला थांबवले. आमच्याकडे रागाने का बघतो? अशी विचारणा त्यांनी त्याच्याकडे केली. वादाचे पर्यवसन हाणामारीत झाले. अल्पवयीनांनी श्रीपत याच्यावर कोयत्याने वार केले, तसेच त्याच्या डोक्यात दगड घातला.गंभीर जखमी झाल्याने श्रीपतचा उपचारांपूर्वीच मृत्यू झाला. या घटनेची माहिती मिळताच पोलिसांनी घटनास्थळी धाव घेतली. अल्पवयीन मुले पसार झाली होती,

वरिष्ठ पोलीस निरीक्षक राघवेंद्रसिंह क्षीरसागर यांच्या मार्गदर्शनाखाली संतोष भांडवलकर आणि पथकाने पसार झालेल्या अल्पवयीनंना पर्वती टेकडी परिससत ताब्यात घेतले.