मुंबईत म्हाडाचं फक्त 31 लाखांमध्ये घर; शहरात कुठे कुठे फ्लॅट उपलब्ध? वाचा सविस्तर

या योजनेत घरांच्या किमती ३१ लाख रुपयांपासून सुरू होऊन तब्बल ८ कोटी रुपयांपर्यंत आहेत. सर्वात स्वस्त घर मानखुर्द (PMGP) येथे सुमारे ३१ लाख रुपयांना उपलब्ध आहे. तर सर्वात महागडे घर क्रिसेंट टॉवर, ताडदेव येथे असून त्याची किंमत सुमारे ८ कोटी रुपये आहे. याशिवाय वडाळा, लोअर परळ आणि अंधेरी या भागांतील घरेही या विक्री प्रक्रियेत समाविष्ट आहेत. म्हाडाने स्पष्ट केले आहे की, 'प्रथम येईल त्यास प्रथम प्राधान्य' या तत्त्वावर घरांचे वाटप करण्यात येणार आहे. घर निश्चित झाल्यानंतर ४८ तासांच्या आत एकूण किमतीच्या १० टक्के रक्कम भरणे बंधनकारक असेल.