Beed: बीडमध्ये कॉपीमुक्त अभियानाचा फज्जा, दगडाला बांधून कॉप्या टाकतानाचा VIDEO व्हायरल

बीडमधून एक धक्कादायक व्हिडीओ समोर आला आहे. कॉपीमुक्त अभियानाचा बीडमध्य फज्जा उडवला जात आहे. बारावीच्या परीक्षेदरम्यान परीक्षा केंद्राबाहेरून विद्यार्थ्यांना कॉपी पुरवल्या जात आहेत. चक्क शिक्षकांकडून कॉप्यांचा गठ्ठा जाळतानाचा व्हिडिओ समोर आला आहे. त्याचसोबत दगडाला बांधून काप्या टाकतानाचा देखील व्हिडीओ समोर आला आहे. हे व्हिडीओ व्हायरल होत आहेत.

बीडच्या गेवराई तालुक्यातील पाडळसिंगी येथे दगडाला बांधून कॉफी टाकतानाचा व्हिडिओ सोशल मीडियावर व्हायरल झाला आहे. एकीकडे बीडच्या जिल्हाधिकाऱ्यांनी कॉपी मुक्त अभियान राबवले आहे, प्रत्येक वर्गामध्ये सीसीटीव्ही कॅमेरे लावले आहेत असे असताना देखील कॉप्यांचा हा प्रकार घडताना दिसत आहे. बीडमध्ये परीक्षा केंद्राबाहेर कॉपी पुरवणाऱ्यांची गर्दी झाल्याचा व्हिडीओ समोर आला आहे. त्यामुळे प्रशासनाची वतीने यासंदर्भात काय दखल घेतली जाणार हे देखील पाहणं महत्त्वाचं ठरणार आहे. बीडमध्ये ३०० हून अधिक परीक्षा केंद्र आहेत तर ४० हजारांहून अधिक विद्यार्थी परीक्षा देत आहेत. शिक्षक देखील यामध्ये सहभागी असल्याची माहिती समोर आली आहे.