क्रिकेट विश्व: क्रिकेटर सौरव गांगुली च्या बायोपिक चं पहिलं पोस्टर रिलीज !

क्रिकेट विश्व: भारतीय क्रिकेटमधील सर्वात यशस्वी कर्णधारांपैकी एक असलेल्या सौरव गांगुली यांचं आयुष्य आता मोठ्या पडद्यावर साकारलं जाणार आहे. त्यांच्या 'दादा: द सौरव गांगुली या बायोपिकचं पहिलं पोस्टर प्रदर्शित करण्यात आलंय. सिनेमाच्या 'फर्स्ट-लूक' पोस्टरमध्ये बॉलीवूड अभिनेता राजकुमार राव मुख्य भूमिकेत दिसतोय. हा सिनेमा 14 मे 2027 रोजी रिलीज केला जाणार आहे. पण, हे पोस्टर चाहत्यांना फारसं आवडलेलं दिसत नाही. कारण, पोस्टर रिलीज होताच, यावरुन टीकेचा सूर व्यक्त होत असल्याचं पाहायला मिळतंय. 
 दादा: द सौरव गांगुली स्टोरी' सिनेमाच्या पहिल्या पोस्टरमध्ये राजकुमार राव 'लॉर्ड्स'च्या बाल्कनीत उभा असलेला दिसतोय. त्यानं निळ्या रंगाची क्रिकेटची टीम इंडियाची पँट घातली असून तो 'टीम इंडिया'ची जर्सी हवेत फिरवताना दिसतोय. हे दृश्य 2002 मधील त्या ऐतिहासिक क्षणाचं चित्रण करतं, जेव्हा टीम इंडियानं 'नेटवेस्ट ट्रॉफी' जिंकल्यानंतर सौरव गांगुली यांनी लॉर्ड्सच्या बाल्कनीत आपली जर्सी काढून हवेत फिरवली होती. हा क्षण सौरव गांगुली यांच्या अख्ख्या करिअरमधला एका महत्त्वाच्या क्षणांपैकी एक आहे.पोस्टरवर सिनेमाला 'दादा' असं नाव देण्यात आलंय, त्यासोबत "त्याने केवळ खेळ खेळला नाही, तर तो बदलून टाकला.." (He didn't just play the game; he changed it) ही टॅगलाईनही आहे. पोस्टर वर सिनेमा 14 मे 2027 रोजी थिएरर्समध्ये प्रदर्शित होणार असल्याचं नमूद करण्यात आलंय.राजकुमार रावच्या लूकबद्दल अनेक चाहते उत्साही दिसत असले, तरी सोशल मीडियावरील एका मोठ्या वर्गाला तो या भूमिकेसाठी योग्य वाटत नाही. एका युजरनं लिहिलंय की, "हा कसला जोक आहे? चॅटजीपीटीनं (ChatGPT) यापेक्षा चांगलं एडिटिंग केलं असतं..." दुसऱ्या एका युजरनं टिप्पणी केलीय की, "नाही मित्रा, ही भूमिका दुसऱ्या कोणालातरी मिळायला हवी होतीतुला नाही..." आणखी एका युजरनं म्हटलंय की, "हे फोटोशॉप केल्यासारखं वाटतं, हे खरोखरंच अधिकृत पोस्टर आहे का?" 

त्यामुळे आता पुढील पोस्टर ला कसा प्रतिसाद मिळतोय हे पाहणे उत्सुकतेचे ठरेल!!

प्रतिनिधि