पुणे: कुटुंब नियोजनाचा भार महिलांवरच; पुरुष नसबंदीकडे अद्यापही पाठ!

पुणे: कुटुंब नियोजनाचा भार महिलांवरच; पुरुष नसबंदीकडे अद्यापही पाठपुणे जिल्ह्यात कुटुंब नियोजनाची जबाबदारी आजही प्रामुख्याने महिलांवरच असल्याचे चित्र दिसून येत आहे. गेल्या वर्षभरात जिल्ह्यात तब्बल २ लाख ८१ हजार कुटुंब नियोजन शस्त्रक्रिया पार पडल्या, मात्र यामध्ये महिलांचे प्रमाण तब्बल ९८ टक्के इतके मोठे आहे.

यावरून समाजात आजही पुरुष नसबंदीबाबत असलेल्या गैरसमजुती आणि उदासीनता स्पष्टपणे दिसून येते. पुरुष नसबंदी ही महिलांच्या शस्त्रक्रियेच्या तुलनेत अत्यंत सोपी आणि सुरक्षित प्रक्रिया असतानाही, पुरुषांचा त्याकडे पाहण्याचा दृष्टिकोन अद्यापही बदललेला नाही.

 

सामाजिक संकोच, भीती आणि 'नसबंदीमुळे मर्दानगी कमी होते' अशा चुकीच्या समजांमुळे पुरुष या प्रक्रियेपासून लांब राहणेच पसंत करत आहेत. आरोग्य विभागाच्या वतीने वारंवार प्रबोधन केले जात असूनही, परिस्थितीमध्ये फारसा बदल झालेला नाही.

कुटुंब नियोजनाची संपूर्ण जबाबदारी महिलांच्या खांद्यावर टाकून पुरुष या महत्त्वाच्या सामाजिक आणि आरोग्याशी संबंधित जबाबदारीकडे दुर्लक्ष करत आहेत. त्यामुळेच कुटुंब नियोजनाच्या एकूण शस्त्रक्रियांमध्ये महिलांचे प्रमाण ९८ टक्क्यांवर पोहोचले आहे.