Pune : बारामतीत खळबळजनक घटना; तरुण तरुणीसह बेपत्ता, आईने पोलिसांत तक्रार दाखल केली

Baramati : बारामती तालुक्यातील माळेगावजवळ अल्पवयीन मुलीचे अपहरण करून लग्नाचे आमिष दाखवून गैरवर्तन करणाऱ्या तरुणाला माळेगाव पोलिसांनी अटक केली. तांत्रिक विश्लेषणाच्या मदतीने पोलिसांनी मुलीला बीड येथून सुखरूप सोडवलं असून या प्रकरणी POCSO कायद्यानुसार अतिरिक्त कलमे लावण्यात आली आहेत.

बारामती तालुक्यातील माळेगावजवळ एका अल्पवयीन मुलीचे अपहरण करण्यात आल्याची धक्कादायक घटना समोर आली आहे. तरुणीचं अपहरण करणाऱ्या तरुणाला माळेगाव पोलिसांनी अटक केली असून स्वप्निल उर्फ सोपान विश्वंबर पवार (वय 21) असं या तरुणाचं नाव आहे. सदर तरुणाने मुलीला लग्नाचे आमिष दाखवून तिच्याशी गैरवर्तन केले. तांत्रिक विश्लेषणाच्या मदतीने पोलिसांनी मुलीला बीड येथून सुखरूप सोडवले आणि आरोपीला ताब्यात घेतलं आहे. या प्रकरणी POCSO कायद्यानुसार अतिरिक्त कलमे लावण्यात आली असून आरोपीला पोलीस कोठडी सुनावण्यात आली आहे.

मिळालेल्या माहितीनुसार, बारामती तालुक्यात माळेगाव पोलीस स्टेशन हद्दीत ही घटना घडली. एका अल्पवयीन मुलीचे अपहरण झाल्याची माहिती मिळताच माळेगाव पोलिसांनी तातडीने कारवाई केली. मुलीच्या आईने दिलेल्या तक्रारीवरून 4 डिसेंबर रोजी गुन्हा दाखल करण्यात आला होता.

घटनेचे गांभीर्य ओळखून माळेगाव पोलीस स्टेशनचे प्रभारी अधिकारी सहायक पोलीस निरीक्षक सचिन लोखंडे यांनी एक विशेष तपास पथक नेमले होते. या पथकात पोलीस उपनिरीक्षक तुषार भोर, सहायक फौजदार संजय मोहिते, पोलीस कॉन्स्टेबल अमोल वाघमारे आणि जयसिंग कचरे यांचा समावेश होता. तपासादरम्यान, तांत्रिक विश्लेषणातून आरोपीने अल्पवयीन मुलीला बीड येथे नेल्याचं स्पष्ट झालं. त्यानुसार, पोलिसांचे पथक बीडला रवाना झालं आणि त्यांनी आरोपी स्वप्निल उर्फ सोपान विश्वंबर पवार याला अल्पवयीन मुलीसह ताब्यात घेतलं.

पोलिसांच्या तपासात असं उघड झाले की, आरोपी स्वप्निलने अल्पवयीन मुलीला लग्नाचे नाटक करून तिच्याशी गैरवर्तन केले. त्यामुळे या गुन्ह्यात बालकांचे लैंगिक अपराधांपासून संरक्षण कायद्यानुसार (POCSO) अतिरिक्त कलमे वाढवण्यात आली आहेत.

पुणे ते जळगाव अवघ्या ३ तासांत! नव्या एक्सप्रेसवेचा संपूर्ण आराखडा काय? जाणून घ्या