India’s Biggest IPO Ever! Mukesh Ambani Files Jio DRHP with SEBI; Meta & Google Backed Tech Giant Set to Raise ₹37,700 Crore

मुंबई: भारतीय कॉर्पोरेट क्षेत्रात आणि शेअर बाजारात ऐतिहासिक क्रांती घडवून आणण्यासाठी रिलायन्स इंडस्ट्जचे (RIL) चेअरमन मुकेश अंबानी यांनी आपला मास्टरप्लॅन जाहीर केला आहे. रिलायन्सची डिजिटल आणि दूरसंचार उपकंपनी असलेल्या 'जिओ प्लॅटफॉर्म्स'चा (Jio Platforms) बहुप्रतिक्षित इनिशियल पब्लिक ऑफरिंग म्हणजेच 'मेगा आयपीओ' (Jio IPO) बाजारात येण्यासाठी पूर्णपणे सज्ज झाला आहे. रिलायन्स इंडस्ट्रीजच्या वार्षिक सर्वसाधारण सभेत (AGM) अधिकृत घोषणा केल्यानंतर, कंपनीने शुक्रवारी बाजाराचे नियामक 'सेबी'कडे (SEBI) आपला मसुदा प्रस्ताव (DRHP) दाखल केला आहे. हा आयपीओ तब्बल ४ अब्ज डॉलर्स (सुमारे ३७,७00 कोटी रुपये) उभारणार असून तो भारतीय शेअर बाजाराच्या इतिहासातील आजवरचा सर्वात मोठा आयपीओ ठरणार आहे.

मुकेश अंबानींची भावूक घोषणा; नव्या पिढीकडे नेतृत्व

या महा-आयपीओबद्दल बोलताना मुकेश अंबानी भावूक झाले. ते म्हणाले, "हा माझ्यासाठी, संपूर्ण रिलायन्स कुटुंबासाठी आणि आमच्या करोडो शेअरधारकांसाठी अत्यंत भावनिक क्षण आहे. जिओची ही लिस्टिंग भारताला जागतिक स्तरावर एक तंत्रज्ञान महासत्ता म्हणून सिद्ध करेल." विशेष म्हणजे, मुकेश अंबानी यांनी या ऐतिहासिक आयपीओ प्रक्रियेची पूर्ण धुरा त्यांची पुढची पिढी—आकाश अंबानी, ईशा अंबानी आणि अनंत अंबानी यांच्याकडे सोपवली आहे.

मेटा, गुगल आणि जागतिक दिग्गजांची साथ

जिओ प्लॅटफॉर्म्समध्ये केवळ रिलायन्सचीच गुंतवणूक नाही, तर जगातील सर्वात मोठ्या टेक कंपन्यांचा यात सहभाग आहे. मार्क झुकरबर्ग यांच्या 'मेटा' (Meta) कंपनीची जिओमध्ये ९.९८% हिस्सेदारी आहे, तर 'गुगल' (Google) कडे ७.७३% शेअर्स आहेत. याशिवाय सिल्व्हर लेक, केकेआर आणि अबू धाबी इन्व्हेस्टमेंट अथॉरिटी (ADIA) सारख्या जागतिक गुंतवणूकदारांनी २०१6 मध्ये स्थापन झालेल्या या कंपनीवर आधीच मोठा विश्वास दाखवला आहे. या आयपीओमुळे जिओचे बाजार मूल्य (Valuation) तब्बल १३७ अब्ज डॉलर्सच्या (सुमारे ११.५ लाख कोटी रुपये) पार जाण्याचा अंदाज आहे.

पैशांचा वापर आणि जिओचा भविष्यातील मास्टरप्लॅन

कंपनी या आयपीओच्या माध्यमातून २७ कोटी नवीन इक्विटी शेअर्स बाजारात विकणार आहे. यातून येणाऱ्या एकूण निधीपैकी २७,५०० कोटी रुपयांचा वापर जिओ इन्फोकॉमवरील कर्ज कमी करण्यासाठी (Debt Reduction) केला जाईल.

मुकेश अंबानी यांनी जिओच्या भविष्यातील ५ मोठ्या योजना देखील जाहीर केल्या आहेत:

१. १००% ५जी मायग्रेशन: २०३0 पर्यंत भारतातील सर्व युजर्सना 'JioTrue5G' वर स्थलांतरित करणे आणि ६जी (6G) तंत्रज्ञानात भारताला आघाडीवर नेणे.

२. ज्या घरात फायबर नाही, तिथे एअरफायबर: जिओ एअरफायबर (JioAirFiber) द्वारे रोज ६०,००० नवीन घरे जोडणे.

३. प्रत्येकासाठी एआय (AI for Everyone): भारतीय युजर्सच्या गरजांनुसार कृत्रिम बुद्धिमत्ता (AI) सेवा आणि स्मार्ट कॉल असिस्टंट उपलब्ध करून देणे.

४. लघु उद्योगांचे डिजिटायझेशन: 'JioPC' आणि सेट-टॉप बॉक्सच्या माध्यमातून लहान व्यापाऱ्यांना क्लाउड कॉम्प्युटिंगची ताकद देणे.

५. जागतिक विस्तार: जिओने स्वतः विकसित केलेले ५जी आणि एआय तंत्रज्ञान परदेशी भागीदारांना निर्यात करणे.

तज्ज्ञांच्या मते, सेबीच्या मंजुरीनंतर जुलै २०२६ च्या उत्तरार्धात हा मेगा आयपीओ किरकोळ गुंतवणूकदारांसाठी खुला होऊ शकतो. यामध्ये किमान ३५% वाटा किरकोळ (Retail) गुंतवणूकदारांसाठी आरक्षित ठेवण्यात आला आहे.

सविस्तर वाचा, लिंक कमेंट मध्ये https://punenews24.in/