नांदेडमध्ये जीवाशी खेळ! अ‍ॅपे रिक्षातून चक्क ८०० लिटर डिझेलची धोकादायक वाहतूक; सुरक्षेचे नियम धाब्यावर, व्हिडिओ व्हायरल

नांदेड शहरात सुरक्षेच्या नियमांचे सताड उल्लंघन करून अत्यंत धोकादायक पद्धतीने ज्वलनशील पदार्थांची वाहतूक होत असल्याचा प्रकार उघडकीस आला आहे. एका अ‍ॅपे मालवाहू रिक्षामधून चक्क ८०० लिटर डिझेलची उघड्यावर वाहतूक केली जात असल्याचा एक व्हिडिओ सोशल मीडियावर जोरदार व्हायरल झाला आहे. या धक्कादायक प्रकारामुळे सामान्य नागरिकांच्या सुरक्षेचा प्रश्न पुन्हा एकदा ऐरणीवर आला आहे.

 

 

मिळालेल्या माहितीनुसार, कोणत्याही सुरक्षेच्या उपाययोजना न करता, केवळ एका साध्या रिक्षात प्लास्टिकचे कॅन आणि ड्रम भरून शेकडो लिटर डिझेल भररस्त्यातून नेले जात होते. डिझेल हा अत्यंत ज्वलनशील पदार्थ असल्याने अशा प्रकारे उघड्यावर आणि अनधिकृत वाहनातून त्याची वाहतूक करणे कायदेशीर गुन्हासोबतच मोठ्या अपघाताला आमंत्रण देणारे ठरते. भररस्त्यात थोडी जरी ठिणगी उडाली, तरी मोठा अनर्थ ओढवू शकला असता, अशी भीती व्यक्त केली जात आहे.

कारवाईची मागणी जोर धरू लागली

हा व्हिडिओ सोशल मीडियावर वेगाने पसरल्यानंतर नागरिकांमधून तीव्र संताप व्यक्त केला जात आहे. वाहतूक पोलीस आणि प्रादेशिक परिवहन विभाग (RTO) अशा गंभीर प्रकारांकडे दुर्लक्ष कसे काय करू शकतात, असा सवाल उपस्थित केला जात आहे. या बेकायदेशीर आणि धोकादायक डिझेल वाहतुकीचा धंदा करणाऱ्यांवर आणि संबंधित रिक्षाचालकावर कडक कायदेशीर कारवाई करण्यात यावी, अशी मागणी आता जोर धरू लागली आहे.

 

 

सविस्तर वाचा, लिंक कमेंट मध्ये https://punenews24.in/