नागपूरच: सौर क्रांती! 'पीएम सूर्यघर' अंतर्गत १ लाख घरांवर सोलर; राज्याच्या वाट्यात १७.७८% हिस्सा

नागपूर परिमंडळाचा राज्याच्या सौर ऊर्जेत मोठा वाटा; १ लाख घरांच्या छतावर बसवले सोलर पॅनेलनागपूर: केंद्र सरकारच्या महत्त्वाकांक्षी 'प्रधानमंत्री सूर्यघर - मुफ्त बिजली योजना' अंतर्गत नागपूर परिमंडळाने महाराष्ट्रात सौर ऊर्जेच्या बाबतीत मोठी आघाडी घेतली आहे.
नागपूर आणि वर्धा जिल्ह्यांतून एकूण १,००,७०८ ग्राहकांनी आपल्या घराच्या छतावर सौर ऊर्जा संच (Rooftop Solar) यशस्वीरित्या बसवले आहेत. नागपूर जिल्ह्याचे सर्वाधिक योगदान:या सौर क्रांतीमध्ये नागपूर जिल्ह्याचा मोठा वाटा असून येथे ८२,६०१ ग्राहकांनी सौर ऊर्जेचा स्वीकार केला आहे.

तर वर्धा जिल्ह्यातील १८,१०७ ग्राहकांनीही या उपक्रमाला पसंती दिली आहे. नागपूर परिमंडळाचा महाराष्ट्रातील एकूण सोलर प्रकल्पांमधील वाटा १७.७८ टक्के इतका आहे. योजनेचे मुख्य फायदे:वीज निर्मिती क्षमता: या प्रकल्पांची एकूण वीज निर्मिती क्षमता ३८२.६ मेगावॅटपर्यंत पोहोचली आहे. मोफत वीज: या योजनेंतर्गत पात्र लाभार्थींना दरमहा ३०० युनिटपर्यंत मोफत वीज मिळवणे शक्य होते. केंद्र सरकारचे अनुदान: लाभार्थ्यांना केंद्र सरकारकडून थेट अनुदान दिले जाते.

१ किलोवॅटसाठी ३० हजार रुपये, २ किलोवॅटसाठी ६० हजार रुपये आणि ३ किलोवॅट किंवा त्यापेक्षा जास्त क्षमतेसाठी ७८ हजार रुपयांपर्यंत अनुदान बँक खात्यात जमा केले जाते. बचत आणि गुंतवणूक: या प्रकल्पावर केलेला खर्च साधारणपणे ३ ते ४ वर्षांत वीज बिलातील बचतीद्वारे वसूल होतो, त्यानंतर पुढील २० ते २५ वर्षे मोफत किंवा नाममात्र दरात वीज मिळते. महावितरणचे मुख्य अभियंता दिलीप दोडके यांनी नागरिकांना या सुवर्ण संधीचा लाभ घेण्याचे आवाहन केले आहे.